Airteagal 17 An nós imeachta maidir le húdarú a dheonú

De mhaolú ar an gcéad fhomhír, i gcás nach gcomhlíonann TLU is iarratasóir ceanglais uile an Rialacháin seo, ach i gcás inar féidir glacadh leis le réasún go ndéanfaidh sé amhlaidh nuair a thosóidh sé a chuid gníomhaíochtaí, féadfaidh an t-údarás inniúil an t-údarú a dheonú faoi réir an choinníll go mbíonn na socruithe uile is gá ar bun ag TLU is iarratasóir chun ceanglais an Rialacháin seo a chomhlíonadh nuair a thosóidh sé a chuid gníomhaíochtaí.

Féadfaidh gach údarás ábhartha tuairim réasúnaithe a eisiúint faoina réimsí inniúlachta don údarás inniúil laistigh de 3 mhí ón bhfaisnéis a fháil ón údarás ábhartha. I gcás nach soláthraíonn údarás ábhartha tuairim laistigh den tréimhse ama sin, measfar go bhfuil sé tar éis tuairim dhearfach a eisiúint.

I gcás ina n-eisíonn ar a laghad ceann amháin de na húdaráis ábhartha tuairim réasúnaithe dhiúltach, agus ina bhfuil sé beartaithe ag an údarás inniúil mar sin féin an t-údarú a dheonú, tabharfaidh an t-údarás inniúil sin do na húdaráis ábhartha, laistigh de 1 mhí amháin tar éis dó an tuairim dhiúltach a fháil, na cúiseanna leis an rún atá aige an t-údarú a dheonú d’ainneoin na tuairime diúltaí.

Féadfaidh aon cheann de na húdaráis ábhartha a d’eisigh tuairim dhiúltach dá dtagraítear sa tríú fomhír an t-ábhar a tharchur chuig ÚEUM chun cúnamh a fháil faoi Airteagal 31(2), pointe (c), de Rialachán (AE) Uimh. 1095/2010.

I gcás nach socraítear an tsaincheist laistigh de 1 mhí amháin tar éis í a tharchur chuig ÚEUM, déanfaidh an t-údarás inniúil a bhfuil sé beartaithe aige an t-údarú a dheonú cinneadh críochnaitheach agus tabharfaidh sé míniú mionsonraithe ar an gcinneadh uaidh i scríbhinn do na húdaráis ábhartha.

I gcás ina bhfuil sé beartaithe ag an údarás inniúil diúltú don údarú, ní dhéanfar an t-ábhar a tharchur chuig ÚEUM.

I dtuairim dhiúltach dá dtagraítear sa tríú fomhír, luafar i scríbhinn na cúiseanna iomlána mionsonraithe nach bhfuil na ceanglais a leagtar síos sa Rialachán seo nó ceanglais eile dhlí an Aontais á gcomhlíonadh.

Cuirfidh ÚEÚM na dréachtchaighdeáin theicniúla rialála sin chuig an gCoimisiún faoin 18 Meitheamh 2015.

Tarmligtear an chumhacht don Choimisiún na caighdeáin theicniúla rialála dá dtagraítear sa chéad fhomhír a ghlacadh i gcomhréir le hAirteagal 10 go hAirteagal 14 de Rialachán (AE) Uimh. 1095/2010.

Cuirfidh ÚEÚM na dréachtchaighdeáin theicniúla cur chun feidhme sin faoi bhráid an Choimisiúin laistigh de 18 Meitheamh 2015.

Tugtar an chumhacht don Choimisiún na caighdeáin theicniúla cur chun feidhme sin dá dtagraítear sa chéad fhomhír a ghlacadh i gcomhréir le hAirteagal 15 de Rialachán (AE) Uimh. 1095/2010.