+Airteagal 23 Saoirse chun seirbhísí a sholáthar i mBallstát eile
---+Airteagal 23 1.
---+Airteagal 23 2.
---+Airteagal 23 3.
---+Airteagal 23 4.
---+Airteagal 23 5.
---+Airteagal 23 6.
---+Airteagal 23 7.
---+Airteagal 23 8.
---+Airteagal 23 9.
---+Airteagal 23 10.

Airteagal 23 Saoirse chun seirbhísí a sholáthar i mBallstát eile

1. Forbhreathnú

,
Airteagal 23 1.
Féadfaidh TLU údaraithe seirbhísí a sholáthar dá dtagraítear san Iarscríbhinn laistigh de chríoch an Aontais, lena n-áirítear trí bhrainse a chur ar bun, ar chuntar go gcumhdaítear na seirbhísí sin leis an údarú.
Airteagal 23 2.
Maidir le TLU údaraithe nó TLU a rinne iarratas ar údarú de bhun Airteagal 17 a bhfuil sé beartaithe aige na croísheirbhísí dá dtagraítear i Roinn A, pointí 1 agus 2, den Iarscríbhinn a sholáthar i ndáil le hionstraimí airgeadais a bhunaítear faoi dhlí Ballstáit eile dá dtagraítear in Airteagal 49(1), an dara fomhír, pointe (a), nó a bhfuil sé beartaithe aige brainse a chur ar bun i mBallstát eile, beidh an TLU sin faoi réir an nós imeachta dá dtagraítear i míreanna 3 go 9 den Airteagal seo. Ní fhéadfaidh an TLU seirbhísí den sórt sin a sholáthar ach amháin tar éis dó a bheith údaraithe de bhun Airteagal 17 agus tráth nach luaithe ná an dáta is infheidhme i gcomhréir le mír 8 den Airteagal seo.
Airteagal 23 3.

Aon TLU a bhfuil sé beartaithe aige na seirbhísí dá dtagraítear i mír 2 a sholáthar den chéad uair i ndáil le hionstraimí airgeadais a bhunaítear faoi dhlí Ballstáit eile dá dtagraítear in Airteagal 49(1), an dara fomhír, pointe (a), nó a bhfuil sé beartaithe aige raon na seirbhísí sin a sholáthraítear a athrú, déanfaidh sé an fhaisnéis seo a leanas a chur in iúl d’údarás inniúil an Bhallstáit baile:

(a) 

an Ballstát aíochta;

(b) 

clár oibríochtaí ina luaitear go háirithe na seirbhísí a bhfuil sé beartaithe ag an TLU iad a sholáthar, lena n-áirítear an cineál ionstraimí airgeadais a bhunaítear faoi dhlí an Bhallstáit aíochta a bhfuil sé beartaithe ag an TLU seirbhísí den sórt sin a sholáthar ina leith;

(c) 

an t-airgeadra nó na hairgeadraí a bhfuil sé beartaithe ag an TLU é nó iad a phróiseáil;

(d) 

measúnú ar na bearta a bhfuil sé beartaithe ag an TLU iad a dhéanamh chun go mbeidh a chuid úsáideoirí in ann dlí an Bhallstáit aíochta dá dtagraítear in Airteagal 49(1), an dara fomhír, pointe (a), a chomhlíonadh i ndáil le scaireanna.
Airteagal 23 4.

Maidir le TLU a bhfuil sé beartaithe aige brainse a chur ar bun i mBallstát eile den chéad uair nó raon na croísheirbhíse dá dtagraítear i Roinn A, pointe 1, den Iarscríbhinn, nó raon na croísheirbhíse dá dtagraítear i Roinn A, pointe 2, den Iarscríbhinn, a sholáthraítear trí bhrainse a athrú, cuirfidh sé an fhaisnéis seo a leanas in iúl d’údarás inniúil an Bhallstáit baile:

(a) 

an fhaisnéis dá dtagraítear i mír 3, pointí (a), (b) agus (c);

(b) 

struchtúr eagraíochtúil an bhrainse agus ainmneacha na ndaoine sin atá freagrach as bainistiú an bhrainse;

(c) 

measúnú ar na bearta a bhfuil sé beartaithe ag an TLU iad a dhéanamh chun go mbeidh a chuid úsáideoirí in ann dlí an Bhallstáit aíochta dá dtagraítear in Airteagal 49(1), an dara fomhír, pointe (a), a chomhlíonadh i ndáil le scaireanna.
Airteagal 23 5.
Cuirfidh údarás inniúil an Bhallstáit baile an measúnú dá dtagraítear i mír 3, pointe (d), nó i mír 4, pointe (c), de réir mar is infheidhme, in iúl d’údarás inniúil an Bhallstáit aíochta gan moill mhíchuí. Féadfaidh údarás inniúil an Bhallstáit aíochta tuairim neamhcheangailteach maidir leis an measúnú sin a thabhairt d’údarás inniúil an Bhallstáit baile laistigh de 1 mhí amháin ón measúnú sin a fháil.
Airteagal 23 6.
Laistigh de 2 mhí ón bhfaisnéis iomlán dá dtagraítear i mír 3, pointí (a), (b) agus (c), nó i mír 4, pointí (a) agus (b), de réir mar is infheidhme, a fháil, cuirfidh údarás inniúil an Bhallstáit baile an fhaisnéis sin in iúl d’údarás inniúil an Bhallstáit aíochta mura rud é, trí sholáthar na seirbhísí a bheartaítear a chur san áireamh, go bhfuil cúiseanna amhrais aige maidir le leordhóthanacht struchtúr riaracháin nó staid airgeadais an TLU a bhfuil sé beartaithe aige seirbhísí a sholáthar sa Bhallstát aíochta nó leordhóthanacht na mbeart a bhfuil sé beartaithe ag an TLU a dhéanamh i gcomhréir le mír 3, pointe (d), nó le mír 4, pointe (c), de réir mar is infheidhme. Laistigh den tréimhse sin, i gcás ina soláthraíonn an TLU seirbhísí do Bhallstáit aíochta eile cheana, lena n-áirítear trí bhrainse, cuirfidh údarás inniúil an Bhallstáit baile an coláiste dá dtagraítear in Airteagal 24a ar an eolas freisin.

Déanfaidh údarás inniúil an Bhallstáit aíochta údaráis ábhartha an Bhallstáit sin a chur ar an eolas, gan mhoill, faoi aon fhaisnéis a chuirtear in iúl faoin gcéad fhomhír.

Cuirfidh údarás inniúil an Bhallstáit baile an TLU ar an eolas láithreach faoi dháta tarchurtha na faisnéise dá dtagraítear sa chéad fhomhír.
Airteagal 23 7.
I gcás ina gcinneann údarás inniúil an Bhallstáit baile, i gcomhréir le mír 6, gan an fhaisnéis dá dtagraítear i mír 3 nó i mír 4, de réir mar is infheidhme, a chur in iúl d’údarás inniúil an Bhallstáit aíochta, soláthróidh sé na cúiseanna a bhí leis an diúltú sin don TLU lena mbaineann laistigh de 2 mhí ón bhfaisnéis sin a fháil agus cuirfidh sé údarás inniúil an Bhallstáit aíochta agus an coláiste dá dtagraítear in Airteagal 24a ar an eolas faoina gcinneadh uaidh.
Airteagal 23 8.
Féadfaidh an TLU tús a chur le seirbhísí a sholáthar nó brainse a chur ar bun dá dtagraítear i mír 2 15 lá féilire ar a luaithe tar éis an dáta a dhéanann údarás inniúil an Bhallstáit baile an fhaisnéis dá dtagraítear i mír 6, an chéad fhomhír, a chur in iúl d’údarás inniúil an Bhallstáit aíochta.
Airteagal 23 9.
I gcás ina n-athraítear an fhaisnéis a leagtar amach sna doiciméid a thíolactar i gcomhréir le mír 3 nó le mír 4, de réir mar is infheidhme, tabharfaidh an TLU fógra i scríbhinn maidir leis an athrú sin d’údarás inniúil an Bhallstáit baile mí amháin ar a laghad sula gcuirtear an t-athrú chun feidhme. Cuirfidh údarás inniúil an Bhallstáit baile údarás inniúil an Bhallstáit aíochta agus an coláiste dá dtagraítear in Airteagal 24a ar an eolas, gan mhoill, faoin athrú sin freisin.
Airteagal 23 10.
Féadfaidh ÚEUM treoirlínte a eisiúint i gcomhréir le hAirteagal 16 de Rialachán (AE) Uimh. 1095/2010 chun raon feidhme an mheasúnaithe a cheanglaítear ar an TLU a sholáthar faoi mhír 3, pointe (d), agus faoi mhír 4, pointe (c), den Airteagal seo a shonrú.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 17.01.2026 00:00:00 -Doknr: CELEX:32014R0909
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.