Airteagal 7b Na meánastaíochtaí sonracha CO2d’fheithiclí tromshaothair de chatagóir M a ríomh

chun meánastaíochtaí sonracha CO2 i bhfoghrúpa feithicle monaróra a ríomh, measfar feithicil nua tromshaothair de chatagóir M lena hastaíochtaí sonracha CO2 mar fheithicil iomlán nó lánchriochnaithe faoi phointe 2.2.2 d’Iarscríbhinn I agus ní mheasfar iad i bpointe 2.2.3 den Iarscríbhinn sin;

de mhaolú ar phointe (a) den Airteagal seo, arna iarraidh sin ag an monaróir príomhfheithicle dá dtagraítear in Airteagal 7a, pointe (b), ar an gCoimisiún agus faoi réir an choinníll a leagtar amach i bpointe (c) den Airteagal seo, measfar feithicil nua tromshaothair de chatagóir M le hastaíochtaí sonracha CO2 a príomhfheithicle i bpointe 2.2.3 d’Iarscríbhinn I agus ní mheasfar í i bpointe 2.2.2. den Iarscríbhinn sin;

ní bheidh iarraidh faoi phointe (b) den Airteagal seo ar fheithicil nua tromshaothair de chatagóir M inghlactha más gnóthais bhainteacha nó codanna den eintiteas dlíthiúil céanna an monaróir príomhfheithicle agus an monaróir feithiclí mar a shainmhínítear in Airteagal 3, pointe (4a), de Rialachán (AE) 2017/2400 den fheithicil iomlán nó lánchríochnaithe; trí iarraidh den sórt sin a chur isteach, dearbhaíonn an monaróir príomhfheithicle nach gnóthais bhainteacha nó codanna den eintiteas dlíthiúil céanna iad; cuirfidh sé faisnéis tacaíochta ar fáil don Choimisiún arna iarraidh sin dó.

déanfaidh an Coimisiún, le tacaíocht ón nGníomhaireacht Eorpach Comhshaoil, na huirlisí agus an treoir nós imeachta is gá a chur ar fáil gan mhoill i bhformáid leictreonach do mhonaróirí chun iarrataí den sórt sin dá dtagraítear i bpointe (b) a chur faoi bhráid an Choimisiúin.