Artikolu 7b Kalkolu tal-emissjonijiet tas-CO2speċifiċi medji tal-vetturi tqal tal-kategorija M

għall-kalkolu tal-emissjonijiet tas-CO2 speċifiċi medji f’subgrupp tal-vetturi ta’ manifattur, vettura tqila ġdida tal-kategorija M għandha titqies bl-emissjonijiet tas-CO2 speċifiċi tagħha bħala vettura kompleta jew kompluta skont il-punt 2.2.2 tal-Anness I u ma għandhiex titqies fil--punt 2.2.3 ta’ dak l-Anness.

b’deroga mill-punt (a) ta’ dan l-Artikolu, fuq talba lill-Kummissjoni tal-manifattur tal-vettura primarja kif imsemmi fl-Artikolu 7a, il-punt (b), u soġġetta għall-kundizzjoni stabbilita fil-punt (c) ta’ dan l-Artikolu, vettura tqila ġdida tal-kategorija M għandha titqies mal-emissjonijiet tas-CO2 speċifiċi tal-vettura primarja tagħha fil-punt 2.2.3 tal-Anness I u ma għandhiex titqies fil-punt 2.2.2 ta’ dak l-Anness;

talba skont il-punt (b) ta’ dan l-Artikolu għal vettura tqila ġdida tal-kategorija M ma għandhiex tkun ammissibbli jekk il-manifattur tal-vettura primarja, u l-manifattur tal-vettura kif definit fl-Artikolu 3, il-punt (4a), tar-Regolament (UE) 2017/2400, tal-vettura kompleta jew kompluta jkunu impriżi konnessi jew partijiet mill-istess entità ġuridika; Billi jippreżentaw tali talba, il-manifattur tal-vettura primarja jiddikjara li mhumiex impriżi konnessi jew partijiet mill-istess entità ġuridika. Huwa għandu jipprovdi informazzjoni ta’ sostenn lill-Kummissjoni fuq talba;

il-Kummissjoni, bl-appoġġ tal-Aġenzija Ewropea għall-Ambjent, għandha tagħmel disponibbli mingħajr dewmien f’format elettroniku l-għodod u l-gwida proċedurali meħtieġa għall-manifatturi biex jissottomettu tali talbiet imsemmija fil-punt (b) lill-Kummissjoni.