Airteagal 3 Díolúintí

1.   Ní bheidh feidhm ag an Treoir seo maidir leis na nithe seo a leanas:

2.   Is faoi réir Airteagail 1 go 6 agus Airteagail 9, 10, 13 agus 14 den Treoir seo agus na nIarscríbhinní ábhartha a ghabhann léi, agus iad sin amháin, a bheidh soithí muirí a dhéanann díshalannú ar uisce, a iomraíonn paisinéirí agus a ghníomhaíonn mar sholáthróirí uisce.

3.   Féadfaidh na Ballstáit na nithe seo a leanas a dhíolmhú ón Treoir seo:

4.   Na Ballstáit sin a théann ar iontaoibh na ndíolúintí dá bhforáiltear i bpointe (b) de mhír 3, áiritheoidh siad go gcuirfear an daonra lena mbaineann ar an eolas faoi dhul ar iontaoibh na ndíolúintí sin agus faoi aon bheart is féidir a dhéanamh chun sláinte an duine a chosaint ar na héifeachtaí díobhálacha a ghabhann le haon éilliú uisce atá beartaithe lena thomhailt ag an duine. Ina theannta sin, tabharfar comhairle iomchuí go pras don daonra lena mbaineann i gcás inar léir go bhféadfaí sláinte an duine a chur i mbaol mar gheall ar cháilíocht uisce den sórt sin.

5.   Féadfaidh na Ballstáit oibreoirí gnó bia a dhíolmhú ón Treoir seo a mhéid a bhaineann leis an uisce a úsáidtear chun críocha sonracha an ghnó bia, má tá na húdaráis náisiúnta inniúla sásta nach féidir le cáilíocht an uisce sin difear a dhéanamh do shábháilteacht an earra bia agus é ina fhoirm chríochnaithe agus ar an gcoinníoll go gcomhlíonann soláthar uisce na n-oibreoirí gnó bia sin na hoibleagáidí ábhartha, go háirithe faoi na nósanna imeachta maidir le prionsabail na hanailíse guaise agus na bpointí rialúcháin criticiúla agus gníomhaíochtaí feabhais faoi reachtaíocht ábhartha an Aontais maidir le bia.

Áiritheoidh na Ballstáit go gcomhlíonfaidh táirgeoirí uisce atá beartaithe lena thomhailt ag an duine, ar uisce é a chuirtear i mbuidéil nó i gcoimeádáin, Airteagail 1 go 5 agus Codanna A agus B d’Iarscríbhinn I.

Mar sin féin, ní bheidh feidhm ag na híoscheanglais a leagtar amach i gCuid A d’Iarscríbhinn I maidir le fíoruisce dá dtagraítear i dTreoir 2009/54/CE.

6.   Maidir le soláthróirí uisce a sholáthraíonn níos lú ná 10 m3 sa lá ar an meán nó a fhreastalaíonn ar níos lú ná 50 duine mar chuid de ghníomhaíocht tráchtála nó phoiblí, ní bheidh siad ach faoi réir Airteagail 1 go 6 agus Airteagail 13, 14 agus 15 den Treoir seo agus na nIarscríbhinní ábhartha a ghabhann léi.