Airteagal 15 Faireachán agus tuairisciú

(a)

an calafort óna n-imítear agus an calafort a dtagtar isteach ann lena n-áirítear dáta agus am na himeachta agus an teachta isteach agus an méid ama a chaitear i mbeart;

(b)

i gcás gach loinge a bhfuil feidhm ag Airteagal 6(1) lena haghaidh, an nascadh leis an OPS agus úsáid OPS nó cur i bhfeidhm aon cheann de na heisceachtaí dá bhforáiltear in Airteagal 6(5) mar a dhearbhaítear de bhun Airteagal 6(9), pointe (a), i gcás inarb infheidhme;

(c)

méid gach cineáil breosla a ídítear i mbeart agus ar muir;

(d)

méid an leictreachais arna sheachadadh ar an long trí OPS;

(e)

maidir le gach cineál breosla a ídítear le linn don long a bheith i mbeart agus ar muir, fachtóir astaíochtaí tobar-go-humar, fachtóirí astaíochtaí umar-go-marbhshruth an bhreosla dhóite, agus fachtóirí astaíochtaí umar-go-marbhshruth an bhreosla shleamhnaithe a bhaineann le tomhaltóirí éagsúla an bhreosla atá ar bord, lena gcumhdaítear na gáis cheaptha teasa ábhartha uile;

(f)

méid gach cineáil foinse ionadaí fuinnimh a ídítear i mbeart agus ar muir;

(g)

aicme oighir na loinge, má iarrann an chuideachta an fuinneamh breise arna úsáid mar gheall ar aicme oighir na loinge a eisiamh ó ríomh an iarmhéid comhlíontachta a leagtar amach in Iarscríbhinn IV, agus úsáid á baint as Moladh 25/7 ón gCoimisiún chun Muirthimpeallacht Mhuir Bhailt a Chosaint (HELCOM) maidir le sábháilteacht na loingseoireachta geimhridh i Muir Bhailt chun an comhfhreagras idir aicmí oighir a bhunú;

(h)

aicme oighir na loinge, an dáta, an t-am agus an suíomh nuair a théann long isteach sna dálaí oighir agus nuair a fhágann sí dálaí oighir, an méid breosla de gach cineál a ídítear agus an fad a taistealaíodh agus í ag seoladh faoi dhálaí oighir mar aon leis an bhfad iomlán a taistealaíodh do gach muiraistear le linn na tréimhse tuairiscithe, má iarrann an chuideachta an fuinneamh breise arna úsáid de bharr seoladh faoi dhálaí oighir a eisiamh ó ríomh an iarmhéid comhlíontachta a leagtar amach in Iarscríbhinn IV.

(a)

cuirfidh cuideachta an aistrithe an fhaisnéis dá dtagraítear i mír 1 den Airteagal seo in iúl don fhíoraitheoir don am ar ghlac sí freagracht as oibriú na loinge lena linn;

(b)

Chomh gar agus is féidir don lá a chríochnófar an t-aistriú agus tráth nach déanaí ná mí ina dhiaidh sin, déanfaidh an fíoraitheoir a rinne gníomhaíochtaí fíoraithe don long faoi chuideachta an aistrithe an fhaisnéis dá dtagraítear i bpointe (a) a fhíorú agus a thaifeadadh i mbunachar sonraí FuelEU i gcomhréir le hAirteagal 16; agus

(c)

gan dochar do phointí (a) agus (b), is í an chuideachta a bheidh freagrach as oibriú na loinge an 31 Nollaig den tréimhse thuairiscithe a bheidh freagrach as an long a bheith i gcomhréir leis na ceanglais a leagtar amach in Airteagail 4 agus 6 don tréimhse tuairiscithe ar fad ina ndearnadh an t-aistriú nó na haistrithe iolracha.