Artikolu 15 Monitoraġġ u rappurtar

(a)

il-port tat-tluq u l-port tal-wasla, inklużi d-data u l-ħin tat-tluq u tal-wasla u l-ħin imqatta’ fl-irmiġġ;

(b)

għal kull bastiment li għalih japplika l-Artikolu 6(1), il-konnessjoni ma’ u l-użu ta’ provvista tal-elettriku mix-xatt jew l-applikazzjoni ta’ kwalunkwe waħda mill-eċċezzjonijiet previsti fl-Artikolu 6(5) kif ikkonfermat skont l-Artikolu 6(9), il-punt (a), fejn applikabbli;

(c)

l-ammont ta’ kull tip ta’ karburant ikkunsmat fl-irmiġġ u fuq il-baħar;

(d)

l-ammont ta’ elettriku kkonsenjat lill-bastiment permezz ta’ provvista tal-elettriku mix-xatt;

(e)

għal kull tip ta’ karburant ikkunsmat fl-irmiġġ u fil-baħar, il-fattur ta’ emissjoni well-to-tank, il-fatturi ta’ emissjoni tank-to-wake tal-karburant maħruq u l-fatturi ta’ emissjoni tank-to-wake ta’ karburant mhux ikkalkulat assoċjati mal-konsumaturi differenti tal-karburant abbord, li jkopru l-gassijiet serra rilevanti kollha;

(f)

l-ammont ta’ kull tip ta’ sors alternattiv tal-enerġija kkunsmat fl-irmiġġ u fuq il-baħar;

(g)

informazzjoni dwar il-klassi tas-silġ tal-bastiment, jekk il-kumpanija titlob li l-enerġija addizzjonali użata minħabba l-klassi tas-silġ tal-bastiment tiġi eskluża mill-kalkolu tal-bilanċ ta’ konformità stipulat fl-Anness IV bl-użu tar-Rakkomandazzjoni 25/7 tal-Kummissjoni għall-Ħarsien tal-Ambjent Marin fil-Baħar Baltiku (HELCOM) dwar is-sikurezza tan-navigazzjoni fix-xitwa fil-Baħar Baltiku biex tiġi stabbiilta l-korrispondenza bejn il-klassijiet tas-silġ;

(h)

il-klassi tas-silġ tal-bastiment, id-data, il-ħin u l-pożizzjoni meta wieħed jidħol u joħroġ mill-kundizzjonijiet tas-silġ, l-ammont ta’ kull tip ta’ karburant ikkunsmat u d-distanza vvjaġġata waqt it-tbaħħir f’kundizzjonijiet tas-silġ kif ukoll id-distanza totali vvjaġġata għall-vjaġġi kollha matul il-perjodu ta’ rapportar jekk il-kumpanija titlob li teskludi l-enerġija addizzjonali użata minħabba t-tbaħħir f’kundizzjonijiet tas-silġ mill-kalkolu tal-bilanċ ta’ konformità stipulat fl-Anness IV.

(a)

il-kumpanija li tittrasferixxi għandha tinnotifika lill-verifikatur bl-informazzjoni msemmija fil-paragrafu 1 ta’ dan l-Artikolu għaż-żmien li matulu kienet assumiet ir-responsabbiltà għat-tħaddim tal-bastiment;

(b)

kemm jista’ jkun prattiku qrib il-jum ta’ tlestija tat-trasferiment u mhux aktar tard minn xahar wara dan, l-informazzjoni msemmija fil-punt (a) għandha tiġi verifikata u rreġistrata fil-bażi tad-data FuelEU f’konformità mal-Artikolu 16 mill-verifikatur li wettaq attivitajiet ta’ verifika għall-bastiment taħt il-kumpanija li tittrasferixxi; u

(c)

mingħajr preġudizzju għall-punti (a) u (b), il-kumpanija li għandha tassumi r-responsabbiltà għat-tħaddim tal-bastiment fil-31 ta’ Diċembru tal-perjodu ta’ rappurtar għandha tkun responsabbli għall-konformità tal-bastiment mar-rekwiżiti li jinsabu fl-Artikoli 4 u 6 għall-perjodu kollu ta’ rappurtar li matulu jkun sar it-trasferiment jew it-trasferimenti multipli.