Airteagal 3 Sainmhínithe

ciallaíonn ‘suiteáil’ aonad teicniúil do-aistrithe ina ndéantar ceann amháin nó níos mó de na gníomhaíochtaí a liostaítear in Iarscríbhinn I, agus aon ghníomhaíochtaí eile atá bainteach go díreach leis na gníomhaíochtaí ar an láithreán céanna a bhfuil nasc teicniúil acu leis na gníomhaíochtaí a liostaítear san Iarscríbhinn sin agus a bhféadfadh tionchar a bheith acu ar astaíochtaí agus ar thruailliú;

ciallaíonn ‘saoráid’ suiteáil amháin nó níos mó, nó codanna díobh, atá ar an láithreán céanna agus atá á hoibriú nó á n-oibriú ag an duine nádúrtha nó dlítheanach céanna;

ciallaíonn ‘láithreán’ suíomh geografach na suiteála agus na saoráide;

ciallaíonn ‘an pobal’ an pobal mar a shainmhínítear in Airteagal 3, pointe (16), de Threoir 2010/75/AE;

ciallaíonn ‘scaoileadh’ aon tabhairt isteach truailleáin sa chomhshaol mar thoradh ar aon ghníomhaíocht dhaonna, cibé acu gníomhaíocht a dhéantar d’aon ghnó nó gníomhaíocht a dhéantar de thaisme, cibé acu an gnáthghníomhaíocht nó gníomhaíocht nach gnáthghníomhaíocht í, lena n-áirítear doirteadh, astú, sceitheadh, instealladh, diúscairt nó dumpáil, nó trí chórais séarachais gan cóireáil fuíolluisce deiridh;

ciallaíonn ‘truailleán’ substaint nó grúpa substaintí ar féidir léi nó leo dochar a dhéanamh don chomhshaol nó do shláinte an duine mar gheall ar a hairíonna nó a n-airíonna agus ar a tabhairt nó a dtabhairt isteach sa chomhshaol;

ciallaíonn ‘substaint’ substaint mar a shainmhínítear in Airteagal 3, pointe (1), de Threoir 2010/75/AE;

ciallaíonn ‘oibreoir’ oibreoir mar a shainmhínítear in Airteagal 3, pointe (15), de Threoir 2010/75/AE;

ciallaíonn ‘aistriú ón láithreán’ dramhaíl atá beartaithe le haghaidh oibríochtaí aisghabhála nó diúscartha agus truailleáin i bhfuíolluisce atá beartaithe le haghaidh cóireáil fuíolluisce a ghluaiseacht thar theorainneacha suiteála;

ciallaíonn ‘dramhaíl’ dramhaíl mar a shainmhínítear in Airteagal 3, pointe (1), de Threoir 2008/98/CE;

ciallaíonn ‘fuíolluisce’ fuíolluisce uirbeach, fuíolluisce tí agus fuíolluisce tionsclaíoch, mar a shainmhínítear in Airteagal 2, pointí (1), (2) agus (3), de Threoir 91/271/CEE, faoi seach, agus aon uisce úsáidte eile atá faoi réir rialáil ag dlí an Aontais mar gheall ar na substaintí nó na réada atá ann;

ciallaíonn ‘foinsí idirleata’ an t-iliomad foinsí beaga nó scaipthe ónar féidir truailleáin a scaoileadh isteach san aer, san uisce nó sa talamh, ar féidir a gcomhthionchar ar na meáin sin a bheith suntasach agus nach bhfuil sé praiticiúil tuarascálacha a bhailiú ó gach foinse aonair ina leith;

ciallaíonn ‘údarás inniúil’ an t-údarás náisiúnta nó na húdaráis náisiúnta, nó aon chomhlacht inniúil eile nó comhlachtaí inniúla eile, arna ainmniú nó arna n-ainmniú ag na Ballstáit;

ciallaíonn ‘dramhaíl ghuaiseach’ dramhaíl ghuaiseach mar a shainmhínítear in Airteagal 3, pointe (2), de Threoir 2008/98/CE;

ciallaíonn ‘oibríocht aisghabhála’ aon cheann de na hoibríochtaí dá dtagraítear in Iarscríbhinn II a ghabhann le Treoir 2008/98/CE;

ciallaíonn ‘oibríocht diúscartha’ aon cheann de na hoibríochtaí dá dtagraítear in Iarscríbhinn I a ghabhann le Treoir 2008/98/CE;

ciallaíonn ‘bliain tuairiscithe’ an bhliain féilire nach mór sonraí a bhailiú ina leith;

ciallaíonn ‘dobharshaothrú’ dobharshaothrú mar a shainmhínítear in Airteagal 4, pointe (25), de Rialachán (AE) Uimh. 1380/2013 ó Pharlaimint na hEorpa agus ón gComhairle (26).