Airteagal 6 1

(a)

sonraí maidir le scaoileadh aon truailleáin a liostaítear in Iarscríbhinn II san aer, san uisce agus sa talamh lena sáraítear an tairseach is infheidhme a shonraítear san Iarscríbhinn sin;

(b)

sonraí maidir le haistrithe dramhaíola guaisí ón láithreán ar mó iad ná 2 thona in aghaidh na bliana in aghaidh na saoráide nó maidir le haistrithe dramhaíola neamhghuaisí ón láithreán ar mó iad ná 2 000 tona in aghaidh na bliana in aghaidh na saoráide, i gcás aon oibríocht aisghabhála nó diúscartha cé is moite de chóireáil talún agus d’instealladh domhain, mar a shonraítear in Iarscríbhinn I a ghabhann le Treoir 2008/98/CE, trí léiriú le ‘R’ (aisghabháil) nó le ‘D’ (diúscairt) an bhfuil an dramhaíl beartaithe le haghaidh oibríochtaí aisghabhála nó diúscartha, faoi seach, agus, i gcás gluaiseachtaí trasteorann dramhaíola guaisí, ainm agus seoladh an ghnóthais a rinne na hoibríochtaí aisghabhála nó diúscartha ina raibh baint ag an dramhaíl agus an láithreáin iarbhír ina ndearnadh na hoibríochtaí aisghabhála nó diúscartha; dramhaíl atá faoi réir oibríochtaí cóireála talún nó oibríochtaí diúscartha insteallta dhomhain, ní thuairisceoidh ach oibreoir na suiteála óna dtagann an dramhaíl í mar scaoileadh sa talamh;

(c)

sonraí maidir le haistrithe aon truailleáin a liostaítear in Iarscríbhinn II ón láithreán i bhfuíolluisce atá beartaithe le haghaidh cóireáil fuíolluisce lena sáraítear an tairseach a shonraítear i gcolún 1b den Iarscríbhinn sin;

(d)

sonraí maidir le húsáid uisce, fuinnimh agus amhábhair ábhartha mar a chinntear sa ghníomh cur chun feidhme dá dtagraítear sa dara fomhír;

(e)

faisnéis lenar féidir na sonraí a thuairiscítear faoi phointí (a) go (d) a chur i gcomhthéacs, lena n-áirítear an méid táirgeachta agus líon na n-uaireanta oibriúcháin;

(f)

faisnéis faoi an gcumhdaítear an tsuiteáil le Treoir 2003/87/CE ó Pharlaimint na hEorpa agus ón gComhairle (27), Treoir 91/271/CEE, Treoir 2010/75/AE, Treoir 2012/18/AE, Treoir (AE) 2015/2193 nó aon dlí comhshaoil eile de chuid an Aontais a shainaithnítear san fhormáid tuairiscithe dá dtagraítear in Airteagal 7 den Rialachán seo;

(g)

faisnéis faoin tsaoráid lena mbaineann an tsuiteáil.