Artikolu 6 1

(a)

data dwar ir-rilaxx fl-arja, fl-ilma, jew fl-art ta’ kwalunkwe inkwinant elenkat fl-Anness II li għalihom il-livell limitu applikabbli speċifikat f’dak l-Anness ikun inqabeż;

(b)

data dwar it-trasferimenti barra mis-sit ta’ skart perikoluż ta’ piż ta’ aktar minn żewġ tunnellati fis-sena għal kull faċilità jew ta’ skart mhux perikoluż li l-piż tiegħu hu aktar minn 2 000 tunnellata fis-sena għal kull faċilità, għal kwalunkwe operazzjoni ta’ rkupru jew ta’ rimi bl-eċċezzjoni tat-trattament tal-art u injezzjoni fil-fond, kif speċifikat fl-Anness I tad-Direttiva 2008/98/KE, b’indikazzjonijiet bl-ittri “R” jew “D” jekk l-iskart huwiex destinat għall-operazzjonijiet ta’ rkupru jew ta’ rimi, rispettivament, u, għal movimenti li jaqsmu l-fruntieri ta’ skart perikoluż, l-isem u indirizz tal-impriża li wettqet l-operazzjonijiet ta’ rkupru jew ta’ rimi li jinvolvu l-iskart u tas-sit effettiv tal-operazzjonijiet ta’ rkupru jew ta’ rimi; l-iskart li jkun soġġett għal operazzjonijiet ta’ rimi bi trattament tal-art jew injezzjoni fil-fond għandu jiġi rrapportat bħala rilaxx għall-art mill-operatur tal-installazzjoni li minnha joriġina l-iskart biss;

(c)

data dwar it-trasferimenti barra mis-sit ta’ kwalunkwe inkwinant elenkat fl-Anness II f’ilma mormi li huwa destinat għat-trattament tal-ilma mormi li għalih il-livell limitu speċifikat fil-kolonna 1b ta’ dak l-Anness inqabeż;

(d)

data dwar l-użu tal-ilma, tal-enerġija u tal-materja prima rilevanti kif determinat fl-att ta’ implimentazzjoni msemmi fit-tieni subparagrafu;

(e)

informazzjoni li tippermetti l-kuntestwalizzazzjoni tad-data rrapportata skont il-punti (a) sa (d), inkluż il-volum tal-produzzjoni u l-għadd ta’ sigħat ta’ tħaddim;

(f)

informazzjoni dwar jekk l-installazzjoni hijiex koperta mid-Direttiva 2003/87/KE tal-Parlament Ewropew u tal-Kunsill (27), mid-Direttiva 91/271/KEE, id-Direttiva 2010/75/UE, mid-Direttiva 2012/18/UE, mid-Direttiva (UE) 2015/2193 jew minn kwalunkwe liġi ambjentali oħra tal-Unjoni identifikata fil-format tar-rapportar imsemmi fl-Artikolu 7 ta’ dan ir-Regolament.

(g)

informazzjoni dwar il-faċilità li għaliha tappartjeni l-installazzjoni.