Airteagal 6 Tuairisciú arna dhéanamh ag oibreoirí chuig na húdaráis inniúla

1.   Gach oibreoir suiteála a dhéanann ceann amháin nó níos mó de na gníomhaíochtaí a liostaítear in Iarscríbhinn I, ar gníomhaíochtaí iad a chomhlíonann nó a théann thar na tairseacha acmhainneachta is infheidhme a shonraítear san Iarscríbhinn sin, agus a scaoileann aon cheann de na truailleáin a liostaítear in Iarscríbhinn II i gcainníocht os cionn na dtairseach is infheidhme, nó a sháraíonn na tairseacha dramhaíola a leagtar amach i bpointe (b) den mhír seo, déanfaidh sé an fhaisnéis agus na sonraí seo a leanas ar a laghad a thuairisciú dá údarás inniúil ar bhonn bliantúil, mura bhfuil faisnéis ná sonraí den sórt sin ar fáil don údarás inniúil cheana:

Déanfaidh an Coimisiún, faoin 31 Nollaig 2025, liosta d’amhábhair ábhartha atá le tuairisciú faoi phointe (d) den chéad fhomhír den mhír seo a ghlacadh trí bhíthin gníomhartha cur chun feidhme, lena sonraítear na cineálacha agus na haonaid, ar bhonn na ndoiciméad tagartha maidir leis na teicnící is fearr atá ar fáil mar a shainmhínítear in Airteagal 3, pointe (11), de Threoir 2010/75/AE. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 17(2) den Rialachán seo. Déanfaidh an Coimisiún athbhreithniú ar na gníomhartha cur chun feidhme sin agus déanfaidh sé athchóiriú orthu, i gcás inarb ábhartha.

2.   I gcás nach sáraítear na tairseacha is infheidhme a shonraítear in Iarscríbhinn II le scaoileadh dá dtagraítear i mír 1, an chéad fomhír, pointe (a), nó aistriú truailleán ón láithreán dá dtagraítear i mír 1, an chéad fomhír, pointe (c), nó i gcás nach sáraítear na tairseacha a leagtar amach i mír 1, an chéad fomhír, pointe (b), le haistrithe dramhaíola ón láithreán, dearbhóidh oibreoir na suiteála lena mbaineann, ina thuarascáil, go bhfuil scaoileadh na dtruailleán nó na n-aistrithe truailleán nó dramhaíola ón láithreán faoi bhun na dtairseach sin.

Féadfaidh na Ballstáit a chinneadh gan an fhaisnéis dá dtagraítear sa chéad fhomhír a thuairisciú ach amháin sa chéad tuarascáil le haghaidh suiteála, nó cuid di, arna tarraingt suas ag oibreoir tar éis theacht i bhfeidhm an Rialacháin seo nó sa chéad tuarascáil arna tarraingt suas ag oibreoir tar éis an trátha nach sáraíonn scaoileadh na dtruailleán nó na n-aistrithe truailleán nó dramhaíola ón láithreán na tairseacha is infheidhme a shonraítear in Iarscríbhinn II a thuilleadh.

3.   Agus an tuarascáil dá dtagraítear i mír 1, an chéad fhomhír, den Airteagal seo á hullmhú acu, bainfidh oibreoirí úsáid as an bhfaisnéis is fearr atá ar fáil. Gheobhaidh na hoibreoirí na sonraí trí thomhas a dhéanamh. I gcás nach bhfuil an fhaisnéis is fearr atá ar fáil mar thoradh ar thomhas a dhéanamh, i gcás nach indéanta tomhas a dhéanamh nó i gcás nach inmharthana ó thaobh na teicneolaíochta agus na heacnamaíochta de tomhas a dhéanamh, gheobhaidh na hoibreoirí na sonraí trí bhíthin ríomh a dhéanamh. I gcás nach indéanta tomhas ná ríomh a dhéanamh, féadfaidh na hoibreoirí na sonraí a fháil trí mheastachán a dhéanamh. Féadfar a áireamh san fhaisnéis sonraí faireacháin, fachtóirí astaíochta, cothromóidí maischothromaíochta, faireachán indíreach nó ríomhanna eile, breithiúnais innealtóireachta agus modhanna eile atá i gcomhréir le hAirteagal 9(1) agus, i gcás ina bhfuil siad ar fáil, le modheolaíochtaí atá formheasta go hidirnáisiúnta.

4.   Sonróidh oibreoirí sa tuarascáil dá dtagraítear i mír 1 na modhanna a úsáidtear chun na sonraí a fháil. I gcás ina bhfuarthas na sonraí trí thomhas a dhéanamh, léireofar an modh anailíseach. I gcás ina bhfuarthas na sonraí trí ríomh a dhéanamh, léireofar an modh ríofa.

5.   Áireofar ar na scaoiltí dá dtagraítear in Iarscríbhinn II a thuairiscítear faoi mhír 1, an chéad fhomhír, na scaoiltí uile ó gach foinse a áiritear in Iarscríbhinn I ar láithreán na suiteála.

6.   Chun críocha mhír 1, an chéad fhomhír, déanfar sonraí maidir le scaoiltí agus aistrithe a thuairisciú mar iomláin na ngníomhaíochtaí uile a dhéantar d’aon ghnó, na ngníomhaíochtaí uile a dhéantar de thaisme, na ngnáthghníomhaíochtaí uile agus na ngníomhaíochtaí uile nach gnáthghníomhaíochtaí iad. Agus na sonraí sin á soláthar acu, sonróidh oibreoirí, i gcás ina bhfuil siad ar fáil, aon sonraí a bhaineann le scaoileadh de thaisme truailleán.

7.   Baileoidh oibreoir gach suiteála, a mhinice is iomchuí, na sonraí is gá chun a chinneadh cé acu de scaoiltí agus d’aistrithe na suiteála, nó cuid di, ón láithreán atá faoi réir na gceanglas tuairiscithe faoi mhír 1, an chéad fhomhír.

8.   Coimeádfaidh oibreoir gach suiteála na taifid, ar taifid iad ónar díorthaíodh na sonraí tuairiscithe, ar fáil dá údarás inniúil ar feadh 5 bliana ó dheireadh na bliana tuairiscithe lena mbaineann. Tabharfar tuairisc sna taifid sin freisin ar an modheolaíocht a úsáidtear chun na sonraí a bhailiú.

9.   Féadfaidh na Ballstáit a chinneadh na scaoiltí a dhéantar d’aon ghnó dá dtagraítear i mír 1, an chéad fhomhír, pointe (a), den Airteagal seo a chainníochtú iad féin thar ceann oibreoirí suiteálacha a chumhdaítear leis na gníomhaíochtaí dá dtagraítear sa dara agus sa seachtú ró d’Iarscríbhinn I. I gcásanna den sórt sin, ní bheidh feidhm ag míreanna 1 go 8 den Airteagal seo maidir leis na hoibreoirí sin i leith scaoiltí den sórt sin.

10.   Chun críocha Airteagal 7, cinnfidh na Ballstáit dáta faoina bhfuil oibreoirí leis na sonraí dá dtagraítear san Airteagal seo a sholáthar dá n-údaráis inniúla.

11.   Go dtí dáta theacht i bhfeidhm an ghnímh tharmligthe dá dtagraítear in Airteagal 15(3), i gcás nach gcomhlíonann suiteáil, nó cuid di, na coinníollacha a leagtar síos i mír 1, an chéad fhomhír, den Airteagal seo, ach ar cuid de shaoráid í a chomhlíonann na coinníollacha sin, beidh an tsuiteáil sin, nó an chuid sin di, faoi réir na n-oibleagáidí tuairiscithe a bhunaítear san Airteagal seo, cé is moite de na hoibleagáidí a bhunaítear i mír 2 den Airteagal seo.