Airteagal 4

coinneoidh monaróirí, a n-ionadaithe údaraithe nó allmhaireoirí an doiciméadacht theicniúil agus dearbhú comhréireachta AE go ceann tréimhse nach í an tréimhse 10 mbliana dá dtagraítear in Airteagal 27(3), Airteagal 28(2), pointe (a), nó Airteagal 29(7) í, de réir mar is infheidhme, tar éis an táirge ábhartha a bheith curtha ar an margadh nó curtha i seirbhís agus cineál an táirge nó na gceanglas éicidhearthóireachta lena mbaineann á gcur i gcuntas;

soláthróidh oibreoirí eacnamaíocha, arna iarraidh sin dóibh, an fhaisnéis a leagtar amach in Airteagal 36(2), an dara fomhír, do na húdaráis faireachais margaidh go ceann tréimhse nach í an tréimhse 10 mbliana dá dtagraítear ann í tar éis an táirge ábhartha a bheith soláthartha;

déanfaidh monaróirí, a n-ionadaithe údaraithe nó allmhaireoirí codanna den doiciméadacht theicniúil a bhaineann leis an táirge ábhartha a chur ar fáil go digiteach don Choimisiún nó do na húdaráis faireachais margaidh gan gá a bheith le hiarraidh, i gcomhréir le hAirteagal 36(3);

comhlíonfaidh gníomhaithe sa slabhra soláthair na hoibleagáidí a liostaítear in Airteagal 38.

beidh táirgí in ann an fuinneamh a ídíonn siad nó a bhfeidhmíocht a thomhas i ndáil le paraiméadair tháirge ábhartha eile dá dtagraítear in Iarscríbhinn I agus iad in úsáid, i gcomhréir le hAirteagal 37(2);

baileoidh monaróirí, a n-ionadaithe údaraithe nó allmhaireoirí sonraí in-úsáide neamhphearsanta dá dtagraítear i bpointe (i), agus tabharfaidh siad tuairisc don Choimisiún, i gcomhréir le hAirteagal 37(4);

úsáidfear uirlisí digiteacha chun feidhmíocht táirge a ríomh i ndáil le paraiméadar táirge dá dtagraítear in Iarscríbhinn I, i gcomhréir le hAirteagal 39(2);