3. I gcás soláthar trasteorann seirbhísí aerloingseoireachta in aerspáis a thagann faoi fhreagracht dhá Bhallstát nó níos mó, áiritheoidh na Ballstáit lena mbaineann go dtabharfar i gcrích na comhaontuithe is gá chun maoirseacht a dhéanamh ar na seirbhísí sin. Cuirfidh na húdaráis mhaoirseachta náisiúnta lena mbaineann ar chumas na soláthraithe seirbhísí aerloingseoireachta na seirbhísí trasteorann sin a sholáthar agus féadfaidh siad socruithe oibre nó pleananna maoirseachta iomchuí a bhunú ina sonraítear cur chun feidhme an chomhair eatarthu.