Airteagal 28 Oibleagáidí i ndáil le hathlíonadh

1.   Maidir le hoibreoirí eacnamaíocha a thugann an deis táirgí a cheannach trí athlíonadh, cuirfidh siad úsáideoirí deiridh ar an eolas faoin méid seo a leanas (rialacha le haghaidh athlíonta):

Tabharfar na rialacha le haghaidh athlíonta chun dáta go tráthrialta agus beidh siad ar taispeáint go soiléir ar an áitribh nó curtha ar fáil d’úsáideoirí deiridh ar shlí eile.

2.   Áiritheoidh oibreoirí eacnamaíocha a thugann an deis táirgí a cheannach trí athlíonadh go gcomhlíonfaidh stáisiúin athlíonta na ceanglais a leagtar síos i gCuid C d’Iarscríbhinn VI agus aon cheanglais a leagtar síos i ngníomhartha reachtacha dlí de chuid an Aontais maidir le táirgí a dhíol trí athlíonadh.

3.   Áiritheoidh oibreoirí eacnamaíocha a thugann an deis táirgí a cheannach trí athlíonadh, má thairgtear pacáistíocht nó coimeádáin do na húsáideoirí deiridh ag stáisiúin athlíonta, nach gcuirfear an phacáistíocht agus na coimeádáin sin ar fáil saor in aisce mura mbeidh na ceanglais a leagtar síos in Iarscríbhinn VI á gcomhlíonadh acu nó go gcuirfear ar fáil iad mar chuid de chóras aisíoctha éarlaise.

4.   Féadfaidh oibreoirí eacnamaíocha diúltú coimeádán a chuireann an t-úsáideoir deiridh ar fáil a athlíonadh, mura gcomhlíonann an t-úsáideoir deiridh na rialacha le haghaidh athlíonta a chuir an t-oibreoir eacnamaíoch in iúl de bhun mhír 1, go háirithe má mheasann na hoibreoirí eacnamaíocha go bhfuil an coimeádán míshláinteach nó mí-oiriúnach don bhia nó deoch a dhíol. Ní bheidh aon dliteanas ar oibreoirí eacnamaíocha i leith sláinteachais nó fadhbanna sábháilteachta bia a eascraíonn as úsáid coimeádán arna soláthar ag an tomhaltóir deiridh.

5.   Ón 1 Eanáir 2030, féachfaidh dáileoirí deiridh a bhfuil achar díolacháin níos mó ná 400 m2 acu le 10 % den limistéar díolacháin sin a thiomnú do stáisiúin athlíonta le haghaidh táirgí bia agus táirgí neamhbhia araon.