Airteagal 37 Sonraíochtaí coiteanna

1.   Pacáistíocht atá i gcomhréir le sonraíochtaí coiteanna dá dtagraítear i mír 2 den Airteagal seo, nó le codanna díobh, toimhdeofar bhfuil sí i gcomhréir leis na ceanglais a leagtar síos in Airteagail 5 go 12, in Airteagal 24 agus in Airteagal 26 nó de bhun na nAirteagal sin a mhéid a chumhdaítear na ceanglais sin leis na sonraíochtaí coiteanna sin nó le codanna díobh.

2.   Féadfaidh an Coimisiún, trí bhíthin gníomhartha cur chun feidhme, sonraíochtaí coiteanna a bhunú le haghaidh na gceanglas a leagtar síos in Airteagail 5 go 12, in Airteagal 24 agus in Airteagal 26 nó de bhun na nAirteagal sin i gcás ina gcomhlíontar na coinníollacha seo a leanas:

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 65(2).

3.   Sula n-ullmhóidh an Coimisiún dréachtghníomh cur chun feidhme dá dtagraítear i mír 2 den Airteagal seo, cuirfidh sé in iúl don choiste dá dtagraítear in Airteagal 22 de Rialachán (AE) Uimh. 1025/2012 go measann sé gur comhlíonadh na coinníollacha a leagtar amach i mír 2 den Airteagal seo.

4.   I gcás ina nglacfaidh eagraíocht Eorpach um chaighdeánú caighdeán comhchuibhithe agus ina molfaidh sí an caighdeán comhchuibhithe don Choimisiún chun a thagairt a fhoilsiú in Iris Oifigiúil an Aontais Eorpaigh, déanfaidh an Coimisiún measúnú ar an gcaighdeán comhchuibhithe i gcomhréir le Rialachán (AE) Uimh. 1025/2012. Nuair a fhoilsítear an tagairt sin do chaighdeán comhchuibhithe in Iris Oifigiúil an Aontais Eorpaigh, aisghairfidh an Coimisiún na gníomhartha cur chun feidhme dá dtagraítear i mír 2 den Airteagal seo, nó codanna di, lena gcumhdaítear na ceanglais céanna a leagtar síos in Airteagail 5 go 12, in Airteagal 24 agus in Airteagal 26, nó de bhun na nAirteagal sin a aisghairm.

5.   I gcás ina measann Ballstát nó Parlaimint na hEorpa nach gcomhlíonann sonraíocht choiteann na ceanglais a leagtar síos in Airteagail 5 go 12, in Airteagal 24 agus in Airteagal 26, nó de bhun na nAirteagal sin, ina n-iomláine, cuirfidh sé an Coimisiún ar an eolas faoi sin trí mhíniú mionsonraithe a thíolacadh. Déanfaidh an Coimisiún measúnú ar an míniú mionsonraithe sin agus féadfaidh sé, i gcás inarb iomchuí, an gníomh cur chun feidhme lena mbunaítear an tsonraíocht choiteann atá i gceist a leasú.