Artikolu 37 Speċifikazzjonijiet komuni

1.   L-imballaġġ li jkun konformi mal-ispeċifikazzjonijiet komuni msemmija fil-paragrafu 2 ta' dan l-Artikolu, jew ma' partijiet minnhom, għandu jkun preżunt li huwa konformi mar-rekwiżiti stabbiliti fi jew skont l-Artikoli 5 sa 12, 24 u 26 sakemm dawk ir-rekwiżiti jkunu koperti minn dawk l-ispeċifikazzjonijiet komuni jew minn partijiet minnhom.

2.   Il-Kummissjoni tista', permezz ta' atti ta' implimentazzjoni, tistabbilixxi speċifikazzjonijiet komuni għar-rekwiżiti stabbiliti fi jew skont l-Artikoli 5 sa 12, 24 u 26 meta jiġu ssodisfati l-kundizzjonijiet li ġejjin:

Dawk l-atti ta' implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 65(2).

3.   Qabel ma tħejji abbozz tal-att ta' implimentazzjoni kif imsemmi fil-paragrafu 2 ta’ dan l-Artikolu, il-Kummissjoni għandha tinforma lill-kumitat imsemmi fl-Artikolu 22 tar-Regolament (UE) Nru 1025/2012 li hija tqis li l-kundizzjonijiet stabbiliti fil-paragrafu 2 ta' dan l-Artikolu ġew issodisfati.

4.   Meta organizzazzjoni Ewropea tal-istandardizzazzjoni tadotta standard armonizzat u tipproponi l-istandard armonizzat lill-Kummissjoni għall-pubblikazzjoni tar-referenza tiegħu f'Il-Ġurnal Uffiċjali tal-Unjoni Ewropea, il-Kummissjoni għandha tivvaluta l-istandard armonizzat f'konformità mar-Regolament (UE) Nru 1025/2012. Meta tali referenza għal standard armonizzat tiġi ppubblikata f'Il-Ġurnal Uffiċjali tal-Unjoni Ewropea, il-Kummissjoni għandha tħassar l-atti ta' implimentazzjoni msemmija fil-paragrafu 2 ta’ dan l-Artikolu, jew partijiet minnhom, li jkopru l-istess rekwiżiti stabbiliti fi jew skont l-Artikoli 5 sa 12, 24 u 26.

5.   Meta Stat Membru jew il-Parlament Ewropew iqisu li speċifikazzjoni komuni ma tissodisfax għalkollox ir-rekwiżiti stabbiliti fi jew skont l-Artikoli 5 sa 12, 24 u 26, dawn għandhom jinformaw lill-Kummissjoni b'dan billi jippreżentaw spjegazzjoni dettaljata. Il-Kummissjoni għandha tivvaluta dik l-ispjegazzjoni dettaljata u tista', jekk ikun xieraq, temenda l-att ta' implimentazzjoni li jistabbilixxi l-ispeċifikazzjoni komuni inkwistjoni.