Airteagal 47 3

(a)

go bhfuil na ceanglais a leagtar síos in Airteagal 8a(3), pointí (a) go (d), de Threoir 2008/98/CE á gcomhlíonadh;

(b)

gur leordhóthanach na bearta arna gcur i bhfeidhm nó arna n-íoc ag an táirgeoir nó ag an eagraíocht um fhreagracht táirgeoirí chun go bhféadfar gach dramhaíl ó phacáistíocht a aischur agus an dramhaíl sin a bhainistiú i gcomhréir le hAirteagal 48(1) agus (5) agus Airteagal 50, saor in aisce do thomhaltóirí, le minicíocht atá comhréireach don limistéar agus don mhéid dramhaíola ó phacáistíocht a chumhdaítear, i ndáil le méid agus cineálacha na pacáistíochta, lena n-áirítear pacáistíocht táirgí pacáistithe, arna gcur ar fáil ar chríoch Ballstáit den chéad uair ag an táirgeoir sin nó ag na táirgeoirí sin a ngníomhaíonn an eagraíocht um fhreagracht táirgeoirí thar a gceann, nó pacáistíocht arna díphacáil ag táirgeoir nó ag táirgeoirí den sórt sin gan bheith ina n-úsáideoirí deiridh;

(c)

chuige sin tá na socruithe riachtanacha, lena n-áirítear na réamh-shocruithe, i bhfeidhm leis na dáileoirí, le húdaráis phoiblí nó le tríú páirtithe a dhéanann bainistiú dramhaíola thar a gceann;

(d)

tá an inniúlacht is gá maidir le sórtáil agus athchúrsáil ar fáil a áirithíonn go bhfuil an dramhaíl ó phacáistíocht a bhailítear faoi réir réamh-chóireála agus athchúrsáil ardcháilíochta ina dhiaidh sin;

(e)

tá an ceanglas a leagtar síos i mír 6 den Airteagal seo á chomhlíonadh.