2. Faoin 23 Márta 2028, déanfaidh an Coimisiún measúnú ar a indéanta atá sé laghdú breise a dhéanamh ar na teorainnluachanna atá ann cheana d’fhosfair agus do chomhdhúile fosfair do ghlantaigh miasniteoirí uathoibríocha tomhaltóra agus do ghlantaigh níocháin tomhaltóra agus a indéanta atá sé teorainnluachanna a shocrú do tháirgí glantacháin dromchla crua tomhaltóra, do ghlantaigh miasniteoirí láimhe do thomhaltóirí, do ghlantaigh níocháin thionsclaíocha agus institiúideacha agus do ghlantaigh miasniteoirí uathoibríocha thionsclaíocha agus institiúideacha. Cuirfear san áireamh sa mheasúnú sin an tionchar ar an gcomhshaol, infhaighteacht roghanna malartacha oiriúnacha a bhfuil níos lú fosfair nó fosfar ar bith acu agus tionchar socheacnamaíoch an ionadaithe.
Cuirfidh an Coimisiún tuarascáil ar phríomhchonclúidí an mheasúnaithe dá dtagraítear sa chéad fhomhír den mhír seo faoi bhráid Pharlaimint na hEorpa agus na Comhairle, agus d’fhéadfaí, más iomchuí, togra reachtach chun Iarscríbhinn III a leasú a chur léi.