IARSCRÍBHINN I FAISNÉIS ATÁ LE SOLÁTHAR SAN IARRATAS AR ÚDARÚ

(a)

ainm iomlán an iarratasóra, seoladh oifige cláraithe an iarratasóra laistigh den Aontas, suíomh gréasáin an iarratasóra agus, i gcás ina bhfuil fáil air, aitheantóir eintitis dhlítheanaigh (LEI) an iarratasóra;

(b)

ainm agus sonraí teagmhála duine teagmhála ag an iarratasóir;

(c)

stádas dlíthiúil an iarratasóra;

(d)

struchtúr úinéireachta an iarratasóra;

(e)

céannacht na n-eintiteas laistigh de struchtúr úinéireachta an iarratasóra a sholáthróidh rátálacha ESG nó aon cheann de na gníomhaíochtaí a liostaítear in Airteagal 16(1);

(f)

céannacht chomhaltaí bainistíochta sinsearaí an iarratasóra agus leibhéal na cáilíochta, na taithí agus na hoiliúna atá acu;

(g)

an líon anailísithe rátála, fostaithe agus daoine eile atá ag obair don iarratasóir, atá bainteach go díreach le gníomhaíochtaí rátála ESG, agus an leibhéal taithí agus oiliúna atá acu;

(h)

cumhdach margaidh a bhfuiltear ag súil leis maidir le rátálacha ESG;

(i)

tuairisc ar na nósanna imeachta agus na modheolaíochtaí a úsáidtear chun rátálacha ESG arna gcur chun feidhme ag an iarratasóir a eisiúint agus a athbhreithniú, i dtaobh an bhfuil an soláthraí rátála ESG ag súil go n-úsáidfidh sé faisnéis a nochtar faoi Rialachán (AE) 2019/2088 agus Treoir 2013/34/AE, agus i dtaobh an bhfuil an t-iarratasóir ag súil le modheolaíochtaí a úsáid atá bunaithe ar fhianaise eolaíoch agus a chuireann spriocanna agus cuspóirí Chomhaontú Pháras nó aon chomhaontuithe idirnáisiúnta ábhartha eile san áireamh;

(j)

na beartais nó na nósanna imeachta arna gcur chun feidhme ag an iarratasóir maidir le haon choinbhleacht leasa dá dtagraítear in Airteagal 15 den Rialachán seo a shainaithint, a bhainistiú agus a nochtadh;

(k)

i gcás inarb infheidhme, doiciméid agus faisnéis a bhaineann le haon socrú seachfhoinsithe atá ann cheana nó atá beartaithe le haghaidh gníomhaíochtaí a chumhdaítear leis an Rialachán seo;

(l)

i gcás inarb infheidhme, faisnéis faoi ghníomhaíochtaí eile, lena n-áirítear formhuiniú a bhfuiltear ag súil leis, a dhéanann an t-iarratasóir, nó gníomhaíochtaí a bhfuil sé beartaithe ag an iarratasóir a dhéanamh;

(m)

i gcás inarb infheidhme, faisnéis faoi na bearta sonracha arna gcur chun feidhme ag an iarratasóir dá dtagraítear in Airteagal 16(2) agus (3) den Rialachán seo;

(n)

i gcás inarb infheidhme, faisnéis faoi ghníomhaíochtaí rátála ESG roimhe seo.