2. Nochtaí breise d’úsáideoirí rátálacha ESG agus do mhíreanna rátáilte laistigh de raon feidhme …

(i)

i gcás inarb infheidhme, fianaise eolaíoch agus toimhdí ar a bhfuil na rátálacha bunaithe;

(ii)

eochairtháscairí feidhmíochta ábhartha in aghaidh na fachtóra E, S agus G, agus an modh ualaithe,

(iii)

i gcás rátáil chomhiomlánaithe ESG, toradh an mheasúnaithe le haghaidh gach catagóire E, S agus G d’fhachtóirí, arna chur i láthair ar bhealach lena n-áirithítear inchomparáideacht na catagóire comhshaoil (E), sóisialta (S) agus rialachais (G);

(iv)

aon easnaimh a d’fhéadfadh a bheith sna modheolaíochtaí, agus na bearta a rinneadh chun aghaidh a thabhairt ar na heasnaimh sin;

(v)

beartais maidir le modheolaíochtaí a athbhreithniú;

(vi)

nuair a dhéantar rátáil ESG a uasghrádú nó a íosghrádú, i ngeall ar aon athruithe ábharacha ar mhodheolaíochtaí rátála, ar shamhlacha, ar phríomhbhoinn tuisceana rátála nó ar phríomhfhoinsí sonraí (lena n-áirítear meastacháin), na cúiseanna atá leis na hathruithe sin agus a n-impleachtaí ar an rátáil sin;

(vii)

dáta an athbhreithnithe is déanaí ar mhodheolaíochtaí;

(viii)

i gcás ina gcumhdaítear an fachtóir comhshaoil (E) leis an rátáil ESG, i dtaobh an gcomhghaolaítear an rátáil ESG le céatadán an ailínithe tacsanomaíochta faoi Rialachán (AE) 2020/852, agus a mhéid a dhéantar é a chomhghaolú, nó i dtaobh an ailínítear é le comhaontuithe idirnáisiúnta eile agus a mhéid a dhéantar é a ailíniú, mar aon le míniú ar aon diallais shuntasacha uathu;

(i)

míniú níos mionsonraithe ar na foinsí sonraí a úsáidtear — lena n-áirítear i dtaobh an bhfuil siad poiblí nó neamhphoiblí, an bhfuil siad faoi réir dearbhú iontaofachta, i dtaobh an ndíorthaítear iad ó na caighdeáin tuairiscithe inbhuanaitheachta a forbraíodh de bhun Airteagail 19a agus 29b de Threoir 2013/34/AE a bhaineann le gníomhaíochtaí eacnamaíocha inbhuanaithe agus nochtadh faisnéise de bhun Rialachán (AE) 2020/852 agus Rialachán (AE) 2019/2088, lena n-áirítear i dtaobh an úsáidtear faisnéis faoi phleananna aistrithe cuideachtaí a dhíorthaítear ó na caighdeáin tuairiscithe inbhuanaitheachta sin agus conas a úsáidtear an fhaisnéis sin;

(ii)

i gcás inarb infheidhme, úsáid meastachán agus meán an tionscail agus míniú ar an modheolaíocht fholuiteach;

(iii)

na beartais maidir le sonraí a thabhairt cothrom le dáta agus athbhreithniú a dhéanamh ar shonraí stairiúla, agus ar dháta na nuashonruithe is déanaí ar shonraí;

(iv)

rialuithe cáilíochta sonraí, minicíocht na rialuithe sin agus an próiseas feabhsúcháin má thagann saincheisteanna chun cinn;

(v)

i gcás inarb infheidhme, aon bhearta a rinneadh chun aghaidh a thabhairt ar theorainneacha ar na foinsí sonraí;