2. Divulgazzjonijiet addizzjonali lill-utenti tal-klassifikazzjonijiet ESG u lill-elementi …

(i)

fejn applikabbli, evidenza xjentifika u suppożizzjonijiet li fuqhom huma bbażati l-klassifikazzjonijiet;

(ii)

l-indikaturi ewlenin tal-prestazzjoni rilevanti għal kull fattur E, S u G, u l-metodu ta’ ponderazzjoni;

(iii)

fil-każ ta’ klassifikazzjoni ESG aggregata, ir-riżultat tal-valutazzjoni għal kull kategorija ta’ fatturi E, S u G, preżentat b’mod li jiżgura l-komparabbiltà tal-kategoriji E, S u G;

(iv)

kwalunkwe nuqqas potenzjali tal-metodoloġiji, u l-miżuri meħuda biex jiġi indirizzat dak in-nuqqas;

(v)

politiki għar-reviżjoni tal-metodoloġiji;

(vi)

meta klassifikazzjoni ESG tkun issaħħet jew iddgħajfet minħabba kwalunkwe bidla fil-metodoloġiji ta’ klassifikazzjoni, fil-mudelli, fis-suppożizzjonijiet ewlenin ta’ klassifikazzjoni jew fis-sorsi tad-data (inklużi stimi), ir-raġunijiet għal dawk il-bidliet u l-implikazzjonijiet tagħhom għall-klassifikazzjoni partikolari;

(vii)

data tal-aħħar reviżjoni tal-metodoloġiji;

(viii)

meta l-klassifikazzjoni ESG tkopri l-fattur E, jekk u sa liema punt il-klassifikazzjoni ESG hija korrelatata mal-perċentwal ta’ allinjament mat-tassonomija skont ir-Regolament (UE) 2020/852, jew allinjata ma’ ftehimiet internazzjonali oħrajn, flimkien ma’ spjegazzjoni ta’ kwalunkwe devjazzjoni sinifikanti minnha;

(i)

spjegazzjoni aktar dettaljata tas-sorsi tad-data użati, inkluż jekk humiex pubbliċi jew mhux pubbliċi, jekk humiex soġġetti għal impenn ta’ aċċertament, u jekk humiex derivati mill-istandards tar-rapportar dwar is-sostenibbiltà żviluppati skont l-Artikoli 19a u 29b tad-Direttiva 2013/34/UE dwar attivitajiet ekonomiċi sostenibbli u d-divulgazzjoni ta’ informazzjoni skont ir-Regolament (UE) 2020/852 u r-Regolament (UE) 2019/2088, inkluż jekk u kif tintuża l-informazzjoni dwar il-pjanijiet ta’ tranżizzjoni tal-kumpaniji derivati minn tali standards tar-rapportar dwar is-sostenibbiltà;

(ii)

fejn applikabbli, l-użu tal-istima u l-medja tal-industrija u l-ispjegazzjoni tal-metodoloġija sottostanti;

(iii)

il-politiki għall-aġġornament tad-data u r-reviżjoni tad-data storika u d-data tal-aħħar aġġornamenti tad-data,

(iv)

il-kontrolli tal-kwalità tad-data, il-frekwenza tagħhom u l-proċess ta’ rimedju jekk jinqalgħu kwistjonijiet;

(v)

fejn applikabbli, kwalunkwe pass meħud biex jiġu indirizzati l-limitazzjonijiet fis-sorsi tad-data;