IARSCRÍBHINN III CEANGLAIS MAIDIR LE NOCHTADH

(a)

forbhreathnú ar na modheolaíochtaí rátála a úsáidtear agus ar athruithe orthu, lena n-áirítear cibé acu atá anailís siarbhreathnaitheach nó réamhbhreathnaitheach agus an tréimhse ama arna cumhdach;

(b)

an t-aicmiú tionscail a úsáideadh;

(c)

forléargas ar fhoinsí sonraí, lena n-áirítear i dtaobh an bhfaightear sonraí ó ráitis inbhuanaitheachta a cheanglaítear faoi Threoir 2013/34/AE nó ó fhaisnéis a nochtar faoi Rialachán (AE) 2019/2088 agus i dtaobh an bhfuil na foinsí poiblí nó neamhphoiblí agus forléargas ar phróisis sonraí, meastachán ar shonraí ionchuir i gcás nach bhfuil siad ar fáil agus minicíocht nuashonruithe sonraí;

(d)

struchtúr úinéireachta an tsoláthraí rátála ESG;

(e)

faisnéis i dtaobh an bhfuil na modheolaíochtaí rátála bunaithe ar fhianaise eolaíoch agus an chaoi a bhfuil na modheolaíochtaí bunaithe ar fhianaise eolaíoch;

(f)

faisnéis faoi chuspóir soiléir agus marcáil shoiléir na rátálacha ESG i dtaobh an bhfuil rioscaí, tionchair, nó iad araon á measúnú ag an rátáil, de réir phrionsabal na hábharthachta dúbailte, nó de réir aon toise eile, agus i gcás inarb ann d’ábharthacht dhúbailte, cion na hábharthachta riosca agus tionchair;

(g)

raon feidhme na rátála ESG, eadhon i dtaobh an gcumhdaítear léi fachtóir aonair E, S, nó G nó an fachtóir comhiomlánaithe rátála E, S agus G atá inti, nó an gcumhdaítear léi saincheisteanna sonracha amhail rioscaí aistrithe;

(h)

i gcás rátáil chomhiomlánaithe ESG, ualú na dtrí chatagóir uileghabhálacha d’fhachtóirí E, S agus G (e.g. 33 % le haghaidh na fachtóra E, 33 % le haghaidh na fachtóra S, 33 % le haghaidh na fachtóra R), agus an míniú ar an modh ualaithe, lena n-áirítear ualú in aghaidh na gcatagóirí aonair comhshaoil E, S agus G;

(i)

laistigh d’fhachtóirí E, S agus G, sonrú na dtopaicí a chumhdaítear le is an rátáil ESG, agus i dtaobh an gcomhfhreagraíonn siad do na topaicí ó na caighdeáin tuairiscithe inbhuanaitheachta arna bhforbairt de bhun Airteagal 29b de Threoir 2013/34/AE;

(j)

faisnéis maidir le cibé acu i ndearbhluach nó i luach coibhneasta a shloinntear an rátáil,

(k)

i gcás inarb infheidhme, tagairt d’úsáid na hintleachta saorga sa phróiseas bailithe sonraí nó sa phróiseas rátála, lena n-áirítear faisnéis faoi theorainneacha reatha nó rioscaí a ghabhann leis an intleacht shaorga a úsáid;

(l)

faisnéis ghinearálta maidir leis na critéir a úsáidtear chun táillí a ghearrtar ar chliaint a shuí, lena sonraítear na gnéithe éagsúla a cuireadh san áireamh, agus faisnéis ghinearálta maidir leis an tsamhail ghnó/íocaíochta;

(m)

aon teorannú atá ar na foinsí sonraí agus ar na modheolaíochtaí a úsáidtear chun rátálacha ESG a fhorbairt;

(n)

na príomhrioscaí a bhaineann le coinbhleachtaí leasa agus na bearta a dhéantar chun iad a mhaolú;

(o)

má chumhdaítear an fachtóir comhshaoil (E) le rátáil ESG ar mhír rátáilte, faisnéis i dtaobh an gcuirtear san áireamh sa rátáil sin spriocanna agus cuspóirí Chomhaontú Pháras nó aon chomhaontuithe idirnáisiúnta ábhartha eile;

(p)

má chumhdaítear na fachtóirí S agus G le rátáil ESG ar mhír rátáilte, faisnéis i dtaobh an gcuirtear aon chomhaontuithe idirnáisiúnta ábhartha san áireamh leis an rátáil sin;

(q)

aon teorannú ar an bhfaisnéis atá ar fáil do sholáthraithe rátála ESG.

(a)

forléargas níos mionsonraithe ar na modheolaíochtaí rátála a úsáideadh (agus ar athruithe orthu), lena n-áirítear na nithe seo a leanas:

(b)

forléargas níos mionsonraithe ar phróisis sonraí, lena n-áirítear na nithe seo a leanas:

(c)

i gcás inarb infheidhme, faisnéis maidir le rannpháirtíocht le míreanna rátáilte agus le heisitheoirí míreanna rátáilte, lena n-áirítear an ndearna an soláthraí rátála ESG athbhreithnithe nó cuairteanna ar an láthair agus cé chomh minic agus a rinne sé iad;

(d)

i gcás ina n-eisíonn soláthraí rátála ESG rátáil gan iarraidh, ráiteas feiceálach chun na críche sin sa rátáil ESG, lena n-áirítear faisnéis i dtaobh ar ghlac an mhír rátáilte nó tríú páirtí gaolmhar páirt sa phróiseas rátála agus an raibh rochtain ag an soláthraí rátála ESG ar dhoiciméid bhainistíochta nó ar dhoiciméid inmheánacha ábhartha eile na míre rátáilte nó tríú páirtí gaolmhar.

(e)

i gcás inarb infheidhme, míniú ar aon mhodheolaíocht intleachta saorga a úsáidtear sa phróiseas bailithe sonraí nó sa phróiseas rátála;

(f)

i gcás faisnéis mhór nua i leith mír rátáilte a d’fhéadfadh difear a dhéanamh do thoradh rátála ESG, míneoidh soláthraithe rátála ESG conas a chuir siad an fhaisnéis sin san áireamh agus i dtaobh ar leasaigh siad an rátáil chomhfhreagrach ESG.