2. Sa tréimhse mhaoiniúcháin dar tús 2021, beidh an clár ina chúnamh do na gníomhaíochtaí seo a …

(a)

díchóimeáil agus dí-éilliú limistéir uachtaracha agus íochtaracha agus threalamh na seaftaí imoibreora, i gcomhréir leis an bplean díchoimisiúnúcháin. Tá an dul chun cinn a rinneadh le tomhas de réir chainníocht agus chineál na n-ábhar a baineadh agus trí luach tuillte chomh maith;

(b)

an dearadh chun limistéir láir na seaftaí imoibreora a dhíchóimeáil agus a dhí-éilliú (croíthe graifíte). Tá an dul chun cinn arna dhéanamh maidir leis an gcuspóir seo le tomhas trí luach tuillte. Tá an cuspóir sin le baint amach roimh 2027, tráth a dheonófar na húdaruithe ábhartha chun an díchóimeáil agus an dí-éilliú iarbhír a dhéanamh, rud atá sceidealta tarlú tar éis 2027;

(c)

bainistiú sábháilte ar an díchoimisiúnú agus ar an dramhaíl iarmharach go dtí go ndéantar iad a stóráil go heatramhach nó a dhiúscairt (ag brath ar an gcatagóir dramhaíola), lena n-áirítear an bonneagar bainistithe dramhaíola a chríochnú i gcás inar gá. Tá an cuspóir sin le baint amach i gcomhréir leis an bplean díchoimisiúnúcháin. Tá an dul arna dheanamh le tomhas de réir chainníocht agus chineál na dramhaíola atá á stóráil nó á diúscairt go sábháilte, agus trí luach tuillte chomh maith;

(d)

an clár um scartáil foirgneamh a chur chun feidhme. Tá an dul arna dheanamh maidir leis an gcuspóir seo le tomhas de réir chainníocht na bhfoirgneamh a scartáladh agus trí luach tuillte chomh maith;

(e)

an ceadúnas díchoimisiúnúcháin a fháil a luaithe a dhéanfar Aonad 1 agus Aonad 2 de Ghléasra Cumhachta Núicléiche Ignalina a dhíbhreoslú;

(f)

íosghrádú guaiseacha raideolaíocha. Tá an dul chun cinn arna dhéanamh maidir leis an gcuspóir sin le tomhas trí mheasúnuithe sábháilteachta ar na gníomhaíochtaí agus ar an tsaoráid, trí bhealaí a shainaithint ina bhféadfadh nochtadh féideartha tarlú agus trí mheastachán a dhéanamh ar dhóchúlacht agus ar mhéid an nochta fhéideartha.