Airteagal 14
Oibleagáid sonraí a chur ar fáil ar bhonn riachtanas eisceachtúil
I gcás ina léiríonn comhlacht earnála poiblí, an Coimisiún, an Banc Ceannais Eorpach nó comhlacht de chuid an Aontais go bhfuil riachtanas eisceachtúil ann, mar a leagtar amach in Airteagal 15, sonraí áirithe a úsáid, lena n-áirítear na meiteashonraí ábhartha is gá chun na sonraí sin a léirmhíniú agus a úsáid, chun a dhualgais reachtúla a chomhlíonadh ar mhaithe le leas an phobail, déanfaidh sealbhóirí sonraí ar daoine dlítheanacha iad, seachas comhlachtaí earnála poiblí, a bhfuil na sonraí sin ina seilbh acu, iad a chur ar fáil ar iarraidh chuí-réasúnaithe.