Airteagal 2
Cur i bhfeidhm i gcás grúpa
I gcás ina mbeidh feidhm ag an Rialachán seo ar bhonn fo-chomhdhlúite nó comhdhlúite, áiritheoidh an máthairghnóthas atá freagrach as na ráitis airgeadais chomhdhlúite nó fho-chomhdhlúite a sholáthar don ghrúpa go ndéanfar na coinníollacha maidir le húsáid seirbhísí TFC lena dtacaítear le feidhmeanna criticiúla nó tábhachtacha nó codanna ábhartha díobh a chur amach ar fochonradh, i gcás ina gceadófar fochonraitheoireacht den sórt sin faoi na socruithe conarthacha maidir le húsáid seirbhísí TFC, a chur chun feidhme go comhsheasmhach i ngach eintiteas airgeadais atá ina gcuid den ghrúpa agus go bhfuil siad leormhaith chun an Rialachán seo a chur i bhfeidhm go héifeachtach ar gach leibhéal ábhartha.