Artikolu 2
Meta dan ir-Regolament jiġi applikat fuq bażi subkonsolidata jew konsolidata, l-impriża prinċipali li tkun responsabbli biex tipprovdi r-rapporti finanzjarji konsolidati jew subkonsolidati għall-grupp għandha tiżgura li l-kundizzjonijiet għas-sottokuntrattar tal-użu tas-servizzi tal-ICT li jappoġġaw funzjonijiet kritiċi jew importanti jew partijiet materjali tagħhom, meta s-sottokuntrattar ikun permess skont l-arranġamenti kuntrattwali dwar l-użu tas-servizzi tal-ICT, jiġu implimentati b’mod konsistenti fl-entitajiet finanzjarji kollha li huma parti mill-grupp u jkunu adegwati għall-applikazzjoni effettiva ta’ dan ir-Regolament fil-livelli rilevanti kollha.