Airteagal 3 Bainisteoirí Tástála TCT agus TLPT

1.   Sannfaidh údarás TLPT an fhreagracht as gníomhaíochtaí a bhaineann le TLPT a chomhordú do TCT. Beidh TCT comhdhéanta de bhainisteoirí tástála a shanntar chun maoirseacht a dhéanamh ar TLPT aonair.

2.   I gcás gach tástála, ainmneoidh údarás TLPT bainisteoir tástála agus comhalta malartach amháin ar a laghad.

3.   Déanfaidh na bainisteoirí tástála faireachán féachaint an gcomhlíontar na ceanglais a leagtar síos sa Rialachán seo agus áiritheoidh siad go gcomhlíontar iad.

4.   Cuirfidh an bainisteoir tástála sonraí teagmhála an TCT in iúl don eintiteas airgeadais tríd an bhfógra dá dtagraítear in Airteagal 9(1).

5.   Beidh údarás TLPT rannpháirteach i ngach céim de TLPT.