Artikolu 3 Maniġers tat-Testijiet tat-TCT u tat-TLPT

1.   Awtorità tat-TLPT għandha tassenja r-responsabbiltà għall-koordinazzjoni ta’ attivitajiet relatati mat-TLPT lil TCT. TCT għandu jkun magħmul minn maniġers tat-testijiet li huma assenjati biex jissorveljaw TLPT individwali.

2.   Għal kull test, l-awtorità tat-TLPT għandha tiddeżinja maniġer tat-testijiet u mill-anqas sostitut wieħed.

3.   Il-maniġers tat-testijiet għandhom jimmonitorjaw jekk hemmx konformità mar-rekwiżiti stabbiliti f’dan ir-Regolament u jiżguraw din il-konformità.

4.   Il-maniġer tat-testijiet għandu jikkomunika d-dettalji ta’ kuntatt tat-TCT lill-entità finanzjarja permezz tan-notifika msemmija fl-Artikolu 9(1).

5.   L-awtorità tat-TLPT għandha tipparteċipa fil-fażijiet kollha tat-TLPT.