+Airteagal 3 Ceanglais ghinearálta maidir le teimpléid an chláir faisnéise
---+Airteagal 3 1.
---+Airteagal 3 2.
---+Airteagal 3 3.
---+Airteagal 3 4.
---+Airteagal 3 5.
---+Airteagal 3 6.

Airteagal 3 Ceanglais ghinearálta maidir le teimpléid an chláir faisnéise

-

1. Forbhreathnú

,
Airteagal 3 1.
Úsáidfidh eintitis airgeadais na teimpléid a leagtar amach in Iarscríbhinn I go IV chun an clár faisnéise a choinneáil ar bun agus a thabhairt cothrom le dáta i gcomhréir le hAirteagal 28(3) de Rialachán (AE) 2022/2554, ar an leibhéal eintitis, nó ar an leibhéal fo-chomhdhlúite agus comhdhlúite.
Airteagal 3 2.

Áiritheoidh eintitis airgeadais go n-áireofar sna teimpléid dá dtagraítear i mír 1 gach ceann de na nithe seo a leanas:

(a) 

an fhaisnéis ábhartha i ndáil leis na seirbhísí TFC uile a sholáthraíonn soláthraithe TFC tríú páirtí díreacha;

(b) 

faisnéis faoi na fochonraitheoirí uile atá mar bhonn taca éifeachtach le seirbhísí TFC lena dtacaítear le feidhmeanna criticiúla nó tábhachtacha nó le codanna ábhartha díobh.
Airteagal 3 3.
Áiritheoidh eintitis airgeadais go mbeidh an fhaisnéis atá sna teimpléid dá dtagraítear i mír 1 cruinn agus comhsheasmhach. Déanfaidh eintitis airgeadais athbhreithniú rialta ar an bhfaisnéis atá sna teimpléid agus ceartóidh siad go pras aon earráid nó neamhréireacht a aimsítear.

I gcás grúpaí, áiritheoidh eintitis airgeadais atá freagrach as an gclár faisnéise a choinneáil ar bun agus a thabhairt cothrom le dáta ar an leibhéal fo-chomhdhlúite agus comhdhlúite go bhfuil an fhaisnéis maidir le leibhéal an eintitis sa chomhdhlúthú ceart agus comhsheasmhach leis an bhfaisnéis ar an leibhéal fo-chomhdhlúite agus comhdhlúite.
Airteagal 3 4.

Áiritheoidh eintitis airgeadais go gcloífidh an fhaisnéis atá sna teimpléid dá dtagraítear i mír 1 leis na prionsabail seo a leanas maidir le cáilíocht sonraí:

(a) 

cruinneas;

(b) 

iomláine;

(c) 

comhsheasmhacht;

(d) 

sláine;

(e) 

aonfhoirmeacht;

(f) 

bailíocht.
Airteagal 3 5.
Bainfidh eintitis airgeadais úsáid as aitheantóir eintitis dhlítheanaigh bailí agus gníomhach (LEI) nó as an Aitheantóir Uathúil Eorpach dá dtagraítear in Airteagal 16 de Threoir (AE) 2017/1132 (‘EUID’), agus, i gcás ina mbeidh fáil orthu, an dá aitheantóir sin, chun a soláthraithe seirbhísí TFC tríú páirtí uile ar daoine dlítheanacha iad a shainaithint, cé is moite de dhaoine aonair atá ag gníomhú i gcáil gnó.
Airteagal 3 6.
I gcás ina mbeidh seirbhís TFC arna soláthar ag soláthraí seirbhísí TFC tríú páirtí díreach ag tacú le feidhm chriticiúil nó thábhachtach de chuid na n-eintiteas airgeadais, áiritheoidh eintitis airgeadais, tríd an soláthraí seirbhísí TFC tríú páirtí díreach, go n-úsáidfidh fochonraitheoirí uile an tsoláthraí seirbhísí TFC tríú páirtí dhírigh a áirítear sa chlár faisnéise i gcomhréir le mír 2, pointe (b), agus atá ina mbonn taca le seirbhísí TFC lena dtacaítear le feidhmeanna criticiúla nó tábhachtacha, LEI bailí agus gníomhach nó go soláthróidh siad a EUID, agus i gcás ina mbeidh fáil orthu, an dá aitheantóir sin, ach amháin más daoine aonair iad na fochonraitheoirí sin atá ag gníomhú i gcáil gnó.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin

Saincheisteanna nasctha

Naisc
is part of RIALACHÁN CUR CHUN FEIDHME (AE) 2024/2956 ÓN gCOIMISIÚN an 29 Samhain 2024 lena leagtar síos caighdeáin theicniúla cur chun feidhme chun Rialachán (AE) 2022/2554 ó Pharlaimint na hEorpa agus ón gComhairle a chur i bhfeidhm a mhéid a bhaineann le teimpléid chaighdeánacha don chlár faisnéise (Téacs atá ábhartha maidir le LEE)