Airteagal 163 Dóchúlacht mainneachtana (PD)

D’aon toisc chun méideanna neamhchosaintí a ualaítear ó thaobh riosca de agus méideanna caillteanais ionchasaigh na neamhchosaintí sin a ríomh, agus go háirithe chun críoch Airteagail 154 agus 157, agus Airteagal 158(1), (5) agus (10), is é a bheidh sa PD do gach neamhchosaint a úsáidfear mar ionchur de na méideanna neamhchosanta a ualaítear ó thaobh riosca agus d’fhoirmlí maidir le caillteanas ionchasach an PD bliana amháin níos airde a bhaineann le grád nó comhthiomsú inmheánach an iasachtaí dá sanntar an neamhchosaint mhiondíola agus na luachanna íosráta ionchuir PD a leanas:

Beidh PD oibleagáideoirí, nó PD ►C9  neamhchosaintí ◄ ar mainneachtain má úsáidtear cur chuige oibleagáide, beidh sé cothrom le 100 %.

I gcás ►C9  riosca ◄ caolúcháin ar earraí infhaighte ceannaithe, socrófar PD ar luach atá cothrom le meastacháin EL ar ►C9  riosca ◄ caolúcháin. Más féidir le hinstitiúid a meastacháin EL ar ►C9  riosca ◄ caolúcháin na n-earraí infhaighte ceannaithe a mhiondealú ina PDanna agus ina LGDanna ar shlí a mheasfaidh an t-údarás inniúil a bheith iontaofa, féadfar an meastachán PD a úsáid.

I gcás aon neamhchosanta a chumhdaítear le cosaint creidmheasa neamhchistithe, féadfaidh institiúid a úsáideann a meastacháin féin ar LGD faoi Airteagal 143 i gcás neamhchosaintí díreacha inchomparáide ar an soláthraí cosanta an chosaint creidmheasa neamhchistithe a aithint in PD i gcomhréir le hAirteagal 183.