Airteagal 236a 1.

I gcás aon neamhchosanta lena ngabhann cosaint creidmheasa neamhchistithe a gcuireann institiúid Cur Chuige IRB a leagtar amach i gCaibidil 3 i bhfeidhm ina leith trína meastacháin féin ar LGD a úsáid agus i gcás ina bhfuil neamhchosaintí díreacha inchomparáide ar an soláthraí cosanta arna láimhseáil faoi Chur Chuige IRB a leagtar amach i gCaibidil 3, ach, gan a meastacháin féin ar LGD a úsáid, cinnfidh an institiúid cuid chumhdaithe na neamhchosanta mar an luach is ísle de luach na neamhchosanta (E) agus luach coigeartaithe na cosanta creidmheasa neamhchistithe (GA), arna ríomh i gcomhréir le hAirteagal 235a(1). Ríomhfaidh an institiúid méid na neamhchosanta a ualaítear ó thaobh riosca agus méid an chaillteanais ionchasaigh i gcás na coda cumhdaithe de luach na neamhchosanta trí úsáid a bhaint as an PD, an LGD agus an fheidhm chéanna ualaithe riosca agus na cinn a úsáidtear i gcás aon neamhchosanta dírí inchomparáide ar an soláthraí cosanta, agus féadfaidh siad, i gcás inarb infheidhme, an aibíocht (M) a bhaineann leis an neamhchosaint fholuiteach a úsáid, arna ríomh i gcomhréir le hAirteagal 162.