+Airteagal 430 8.

Airteagal 430 8.

Measúnóidh ÚBE na costais agus na sochair a bheidh ag na ceanglais tuairiscithe a leagtar síos i nGníomh Cur chun Feidhme (AE) Uimh. 680/2014 ón gCoimisiún ( 36 ) i gcomhréir leis an mír seo agus tuairisceoidh sé na torthaí chuig an gCoimisiún faoin 28 Meitheamh 2020. Déanfar an measúnú sin a chur i gcrích, go háirithe i ndáil le hinstitiúidí beaga agus neamhchasta. Chun na gcríoch sin, déanfar an méid seo a leanas sa tuarascáil sin:

(a) 

rangófar institiúidí faoi chatagóirí atá bunaithe ar a méid, ar chastacht agus ar chineál agus ar leibhéal ►C12  riosca ◄ na ngníomhaíochtaí atá acu;

(b) 

tomhaisfear na costais tuairiscithe nach mór do gach catagóir institiúide a chur de sa tréimhse ábhartha chun na ceanglais tuairiscithe a chomhlíonadh a leagtar amach i nGníomh Cur chun Feidhme (AE) Uimh. 680/2014, agus na prionsabail seo a leanas á gcur san áireamh:

(i) 

tomhaisfear na costais tuairiscithe mar chóimheas idir na costais tuairiscithe agus costais iomlána na hinstitiúide le linn na tréimhse ábhartha;

(ii) 

is costais tuairiscithe iad gach caiteachas a bhaineann leis na córais tuairiscithe a chur chun feidhme nó a oibriú ar bhonn leanúnach, lena n-áirítear caiteachas ar fhoireann, ar chórais FT, ar sheirbhísí dlí, cuntasaíochta, iniúchóireachta agus comhairliúcháin;

(iii) 

tagróidh an tréimhse ábhartha do gach tréimhse bhliantúil ina raibh costais tuairiscithe ar institiúidí chun ullmhú do na ceanglais tuairiscithe a chur chun feidhme a leagtar síos i nGníomh Cur chun Feidhme (AE) Uimh. 680/2014, agus leanúint ar aghaidh ag oibriú na gcóras tuairiscithe ar bhonn leanúnach;

(c) 

déanfar a mheas an raibh na costais tuairiscithe, arna dtabhú ag gach catagóir institiúidí, comhréireach leis na tairbhí a thug na ceanglais tuairiscithe chun críocha na maoirseachta stuamachta;

(d) 

measfar an tionchar a bheadh ag laghdú na gceanglas tuairiscithe ar chostais agus ar mhaoirseacht éifeachtach; agus

(e) 

déanfar moltaí faoin dóigh le laghdú a dhéanamh ar na ceanglais tuairiscithe, i gcás institiúidí beaga neamhchasta, ar a laghad; chuige sin, beidh sé mar sprioc ag ÚBE an meánchostas a bhfuiltear ag súil leis a laghdú 10 %, ar a laghad, ach 20 % más féidir. Déanfaidh ÚBE a mheas, go háirithe, an bhféadfaí:

(i) 

na ceanglais tuairiscithe dá dtagraítear i bpointe (g) de mhír 1 a tharscaoileadh i gcás institiúidí beaga neamhchasta agus i gcás ina raibh ualú sócmhainní faoi bhun tairseach áirithe;

(ii) 

minicíocht an tuairiscithe a cheanglaítear i gcomhréir le pointe (a), pointe (c) agus pointe (g) de mhír 1 a laghdú d'institiúidí beaga neamhchasta.

Leis an tuarascáil sin ó ÚBE, gabhfaidh dréachtchaighdeáin theicniúla cur chun feidhme dá dtagraítear i mír 7.

1. Forbhreathnú

,

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin