+Airteagal 437 Nochtadh cistí dílse

Airteagal 437 Nochtadh cistí dílse

Airteagal 437

Nochtadh cistí dílse

Déanfaidh institiúidí an fhaisnéis seo a leanas a nochtadh maidir lena gcistí dílse:

(a) 

réiteach iomlán ar ítimí de Ghnáthchothromas Leibhéal 1, d'ítimí Chaipiteal Breise Leibhéal 1, d'ítimí Chaipiteal Leibhéal 2 agus na scagairí agus na hasbhaintí a chuirtear i bhfeidhm maidir le cistí dílse na hinstitiúide de bhun Airteagail 32 go 36, Airteagail 56, 66 agus 79, agus an clár comhardaithe i ráitis airgeadais iniúchta na hinstitiúide;

(b) 

tuairisc ar na príomhghnéithe d'ionstraimí Gnáthchothromas Leibhéal 1 agus d'ionstraimí Chaipiteal Breise Leibhéal 1 agus ionstraimí Chaipiteal Leibhéal 2 arna n-eisiúint ag an institiúid;

(c) 

téarmaí agus coinníollacha iomlána gach ionstraime de Ghnáthchothromas Leibhéal 1, de Chaipiteal Breise Leibhéal 1 agus de Chaipiteal Leibhéal 2;

(d) 

nochtadh ar leithligh ar chineál agus ar mhéideanna na nithe seo a leanas:

(i) 

gach scagaire stuamachta a chuirtear i bhfeidhm de bhun Airteagail 32 go 35;

(ii) 

ítimí a asbhaintear de bhun Airteagal 36, Airteagal 56, Airteagal 66;

(iii) 

ítimí nach n-asbhaintear de bhun Airteagail 47, 48, 56, 66 agus 79;

(e) 

tuairisc ar na srianta go léir a chuirtear i bhfeidhm maidir le ríomh cistí dílse i gcomhréir leis an Rialachán seo agus na hionstraimí, scagairí stuamachta agus na hasbhaintí a bhfuil feidhm ag na srianta sin maidir leo;

(f) 

míniú cuimsitheach ar an mbonn ar a ríomhtar cóimheasa caipitil i gcás go ríomhtar na cóimheasa caipitil sin ag úsáid eilimintí de chistí dílse arna gcinneadh ar bhonn seachas é sin a leagtar síos sa Rialachán seo.

1. Forbhreathnú

,

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin