Airteagal 495 Neamhchosaintí ar chothromas faoi Chur Chuige IRB a láimhseáil

De mhaolú ar Airteagal 107(1), déanfaidh institiúidí a mbeidh cead tugtha dóibh Cur Chuige IRB a chur i bhfeidhm chun an méid neamhchosanta a ualaítear ó thaobh riosca de a ríomh do neamhchosaintí ar chothromas, go dtí an 31 Nollaig 2029 agus gan dochar d’Airteagal 495a(3), an méid neamhchosanta a ualaítear ó thaobh riosca de a ríomh maidir le gach neamhchosaint ar chothromas a mbeidh cead tugtha dóibh Cur Chuige IRB a chur i bhfeidhm ina leith mar an méid is airde díobh seo a leanas:

Seachas an láimhseáil a leagtar síos i mír 1 a chur i bhfeidhm, féadfaidh institiúidí ar tugadh cead dóibh Cur Chuige IRB a chur i bhfeidhm chun méid na neamhchosanta a ualaítear ó thaobh riosca a ríomh le haghaidh neamhchosaintí ar chothromas an láimhseáil a leagtar amach in Airteagal 133 a chur i bhfeidhm ar a neamhchosaintí uile ar chothromas tráth ar bith go dtí an 31 Nollaig 2029.

Déanfaidh institiúidí a chuireann an láimhseáil a leagtar síos i mír 1 den Airteagal seo i bhfeidhm méid an chaillteanais ionchasaigh a ríomh i gcomhréir le hAirteagal 158(7), (8) nó (9), de réir mar is infheidhme, sa leagan de na míreanna sin is infheidhme an 8 Iúil 2024 agus Airteagal 36(1), pointe (d), agus Airteagal 62, pointe (d), de réir mar is infheidhme, a chur i bhfeidhm sa leagan de na pointí sin is infheidhme an 8 Iúil 2024 i gcás ina bhfuil an méid neamhchosanta a ualaítear ó thaobh riosca a ríomhtar de bhun mhír 1, pointe (b), den Airteagal seo níos airde ná an méid neamhchosanta a ualaítear ó thaobh riosca a ríomhtar de bhun mhír 1, pointe (a), den Airteagal seo.

I gcás ina n-iarrann institiúidí cead chun Cur Chuige IRB a chur i bhfeidhm chun an méid neamhchosanta a ualaítear ó thaobh riosca a ríomh le haghaidh neamhchosaintí ar chothromas, ní thabharfaidh na húdaráis inniúla an cead sin tar éis an 31 Nollaig 2024.