20. Nochtuithe

Ba cheart d’údaráis inniúla athbhreithniú a dhéanamh ar nochtuithe poiblí luach saothair arna ndéanamh ag gnólachtaí infheistíochta i gcomhréir le hAirteagal 51 de Rialachán (AE) 2019/2033, agus ba cheart dóibh a dhearbhú cad iad na gnólachtaí infheistíochta ar cheart athbhreithniú rialta a dhéanamh ar nochtuithe ina leith.

Mar aon leis an tagarmharcáil maidir le cleachtais luach saothair a cheanglaítear faoi Airteagal 34(1) de Threoir (AE) 2019/2034 agus an cleachtadh maidir le bailiú sonraí maidir le daoine a bhfuil teacht isteach ard acu faoi Airteagal 34(4) den Treoir sin, ba cheart go n-éileodh údaráis inniúla tuairisciú maoirseachta tréimhsiúil (nó ad hoc) maidir le nochtuithe luach saothair de réir mar is iomchuí chun faireachán a dhéanamh ar fhorbairt cleachtas luach saothair laistigh de ghnólachtaí infheistíochta agus go háirithe laistigh de na gnólachtaí infheistíochta is mó sa Bhallstát sin.