17.3 Acmhainní feidhmeanna rialaithe inmheánaigh

Ba chóir go mbeadh dóthain acmhainní ag feidhmeanna rialaithe inmheánaigh. Agus cur i bhfeidhm phrionsabal na comhréireachta atá leagtha amach i dTeideal I á chur san áireamh, ba cheart líon leordhóthanach comhaltaí foirne cáilithe a bheith acu (ag leibhéal na máthairchuideachta agus ag leibhéal na fochuideachta araon). Ba cheart go leanfadh an fhoireann de bheith cáilithe ar bhonn leanúnach agus ba cheart go gcuirfí oiliúint orthu de réir mar is gá.

Ba cheart go mbeadh córais iomchuí TF agus tacaíocht ar fáil d’fheidhmeanna rialaithe inmheánaigh, mar aon le rochtain ar an bhfaisnéis inmheánach agus sheachtrach is gá chun a gcuid freagrachtaí a chomhlíonadh. Ba cheart go mbeadh rochtain acu ar an bhfaisnéis uile is gá maidir leis na línte gnó agus na fochuideachtaí ábhartha a bhfuil riosca ag baint leo, go háirithe na cinn a d’fhéadfadh rioscaí ábhartha a chruthú don ghnólacht infheistíochta.