Rialuithe inmheánacha

Chomh fada is a bhaineann le beartais agus nósanna imeachta rialaithe CSRBB, ba cheart go mbeadh próisis faofa oiriúnacha ag institiúidí, athbhreithnithe agus sásraí eile atá deartha chun dearbhú réasúnach a thabhairt go bhfuil cuspóirí bainistíochta riosca á gcomhlíonadh.

Ba cheart d'institiúidí a áirithiú go bhfuil á bpróisis aitheantais, tomhais, faireacháin agus rialaithe CSRBB á n-athbhreithniú ag feidhm iniúchta neamhspleách, iniúchóir inmheánach nó seachtrach, ar bhonn rialta. I gcásanna dá leithéid, ba cheart tuarascálacha atá scríofa ag iniúchóirí inmheánacha nó seachtracha nó páirtithe seachtracha comhionanna a chur ar fáil do na húdaráis inniúla ábhartha.