5. Caillteanais a d’fhéadfadh a bheith ann don SRT

Ba cheart don SRT ualaí a shannadh do gach táscaire riosca sa mhodh chun ranníocaíochtaí a ríomh ionas go mbeidh a suim cothrom le 100%.

Agus ualaí á sannadh do tháscairí riosca ar leith, ba cheart don SRT na hualaí íosta ar a laghad a shannadh do na catagóirí riosca agus do na croítháscairí riosca, mar a shonraítear in Tábla 2.

Tábla 2: Ualaí íosta do na catagóirí riosca agus do na croítháscairí riosca

Catagóirí riosca agus croítháscairí riosca Ualaí íosta

1. Caipiteal 20% 1.1. Cóimheas giarála 10% 1.2. Cóimheas CET1 nó CCR 10% 2. Leachtacht agus maoiniú 15% 2.1. LCR 5% 2.2. NSFR 10% 3. Cáilíocht na sócmhainne 12.5% 3.1. Cóimheas NPL 12.5% 4. Samhail ghnó agus bainistiú 15% 4.1. TREA / Sócmhainní iomlána 5% 4.2. RoA 10% 5. Caillteanais a d’fhéadfadh a bheith ann don SRT 12.5% 5.1. Taiscí cumhdaithe/Sócmhainní nach bhfuil curtha i bhfiach 12.5%

Suim: 75%

Is ionann suim na n-ualaí íosta a shonraítear sna Treoirlínte seo maidir leis na catagóirí riosca agus na croítháscairí riosca agus 75% de na hualaí iomlána. Ba cheart don SRT an 25% eile a dháileadh ar na catagóirí riosca a leagtar síos i mír 29.

Ba cheart don SRT 25% solúbtha d’ualaí a dháileadh trína dháileadh ar na táscairí riosca breise agus/nó trí ualaí íosta na gcroítháscairí riosca a mhéadú. Níor cheart go mbeadh ualach aon táscaire níos airde ná 25%.

I gcás nach n-úsáidtear croítháscaire, ba cheart don SRT an t-ualú íosta iomlán don chatagóir riosca sin a shannadh don chroítháscaire atá fágtha ón chatagóir riosca chéanna.

I gcás nach bhfuil ach aon chroítháscaire amháin i gcatagóir, agus nach n-úsáidtear an croítháscaire seo, ba cheart don SRT ionadaí a chur ina ionad a bhfuil an t-íosualach céanna aige agus atá ag an gcroítháscaire.

I gcás aon táscaire riosca, ba cheart don SRT ualú amháin a shannadh dó agus an t-ualú céanna sin a chur i bhfeidhm maidir le gach ball-institiúid.