3. Ceanglais a bhaineann le tagarmharcáil éagsúlachta a thuairisciú

Ba cheart d’institiúidí creidmheasa agus gnólachtaí infheistíochta an fhaisnéis dá dtagraítear di sna Treoirlínte seo a chur ar fáil sna formáidí malartaithe sonraí agus uiríll sonraithe ag údaráis inniúla, agus an sainmhíniú ar phointe sonraí atá le fáil sa tsamhail pointe sonraí a urramú, mar aon leis na sonraíochtaí seo a leanas:

• a. níor cheart faisnéis nach gceanglaítear ná nach bhfuil infheidhme a chur san áireamh sna sonraí atá á gcur isteach;
• b. cuirfear luachanna uimhriúla isteach mar fhíricí de réir an mhéid seo a leanas:
• i. ba cheart pointí sonraí a bhfuil an cineál sonraí “airgeadaíocht” ag gabháil leo a thuairisciú trí úsáid a bhaint as beachtas íosta atá coibhéiseach leis na milliúin aonad;
• ii. déanfar pointí sonraí a bhfuil an cineál sonraí “céatadán” ag gabháil leo a léiriú in aghaidh an aonaid le beachtas íosta atá coibhéiseach le ceithre dheachúil;
• iii. déanfar pointí sonraí a bhfuil an cineál sonraí “slánuimhir” ag gabháil leo a thuairisciú gan aon deachúil a úsáid agus beachtas atá coibhéiseach le haonaid.

Ba cheart go mbainfeadh na sonraí a chuireann institiúidí creidmheasa agus gnólachtaí infheistíochta isteach leis an bhfaisnéis seo a leanas:

• a. dáta tagartha agus tréimhse thagartha tuairiscithe;
• b. airgeadra tuairiscithe; agus
• c. aitheantóir na hinstitiúide tuairiscithe.