4.2. Riachtanais inrochtaineachta

Ba cheart d’údaráis inniúla a liosta nó a gclár a dhéanamh inrochtana 24 huaire sa lá agus 7 lá na seachtaine. Ba cheart an liosta nó an clár a bheith inrochtana ar shuíomhanna gréasáin na n-údarás inniúil nó ar uirlisí leictreonacha eile a bhfuil rochtain ag an bpobal orthu ach amháin nuair a bhíonn siad faoi chothabháil.

Ba cheart d’údaráis inniúla a áirithiú nach n-éilíonn rochtain phoiblí ar an liosta nó ar an gclár clárú roimh ré ná aon réamhchoinníoll eile le haghaidh rochtana.

Ba cheart d’údaráis inniúla rochtain a sholáthar ar an liosta nó ar an gclár saor in aisce.

Ba cheart d’údaráis inniúla an liosta nó an clár a chur ar fáil lena íoslódáil agus ba cheart go n-áireofaí leo dáta an nuashonraithe dheireanaigh ar an liosta nó ar an gclár.

Ba cheart d’údaráis inniúla an liosta nó an clár a chur ar fáil sa teanga náisiúnta nó sna teangacha náisiúnta agus ar a laghad i dteanga oifigiúil de chuid an Aontais is gnách i réimse an airgeadais.