5. Creat eagrúcháin i gcomhthéacs grúpa

I gcás inarb infheidhme, ba cheart d’eisitheoirí ARTanna a áirithiú go bhfuil socruithe, próisis agus sásraí rialachais comhsheasmhach agus comhtháite go maith ar bhonn grúpa ar fad. Chuige sin, ba cheart d’eisitheoirí ARTanna a áirithiú gur cheart dá bhfochuideachtaí atá faoi réir Rialachán (AE) 2023/1114 socruithe, próisis agus sásraí comhchosúla a chur chun feidhme chun socruithe láidre rialachais a áirithiú ar bhonn uile-ghrúpa. Ba cheart d’fheidhmeanna inniúla laistigh d’eisitheoir ARTanna agus dá fhochuideachtaí atá faoi réir Rialachán (AE) 2023/1114 sonraí agus faisnéis a idirghníomhú agus a mhalartú de réir mar is iomchuí.

Cé go bhféadfar beartais agus doiciméadacht a áireamh i ndoiciméid ar leithligh, ba cheart d’eisitheoirí ARTanna breithniú a dhéanamh ar iad a chomhcheangal nó tagairt a dhéanamh dóibh i gcreatdoiciméad rialachais aonair.