13.2 Neamhspleáchas feidhmeanna rialaithe inmheánaigh

Chun go measfar na feidhmeanna rialaithe inmheánaigh a bheith ag feidhmiú go neamhspleách, ba cheart na coinníollacha seo a leanas a chomhlíonadh:

• a. ní chomhlíonann a gcuid comhaltaí foirne aon chúraimí oibríochtúla a thagann faoi raon feidhme na ngníomhaíochtaí arb é is aidhm leo faireachán agus rialú a dhéanamh ach amháin má léirítear, i bhfianaise na gcritéar atá liostaithe i dTeideal I chun prionsabal na comhréireachta a chur i bhfeidhm, go bhfuil na feidhmeanna rialaithe inmheánaigh éifeachtach i gcónaí. Sa chás sin, ba cheart d’eisitheoir ARTanna measúnú a dhéanamh ar cé acu a chuirtear nó nach gcuirtear éifeachtacht a bhfeidhmeanna rialaithe inmheánaigh i mbaol.
• b. I gcás inarb iomchuí, tá siad ar leithligh ó thaobh eagraíochta de ó na gníomhaíochtaí a shanntar dóibh chun faireachán agus rialú a dhéanamh orthu;
• c. níor cheart luach saothair na bhfeidhmeanna rialaithe inmheánaigh a bheith nasctha le feidhmiú na ngníomhaíochtaí a ndéanann an fheidhm rialaithe inmheánaigh faireachán orthu agus a rialaíonn sí agus níor cheart gur dócha go gcuirfeadh sé isteach ar oibiachtúlacht na mball foirne ar shlí eile¹⁷ .

¹⁷ Féach freisin treoirlínte ÚBE maidir le beartais fhónta luacha saothair, atá le fáil ag https://www.eba.europa.eu/regulation-and-policy/remuneration/guidelines-on-sound-remuneration-policies.