Stádas na dtreoirlínte seo

Tá treoirlínte sa doiciméad seo a eisíodh de bhun Airteagal 16 de Rialachán (AE) Uimh. 1093/2010⁷ agus de bhun Airteagal 16 de Rialachán (AE) Uimh. 1095/2010⁸ . I gcomhréir le hAirteagal 16(3) de Rialachán (AE) Uimh. 1093/2010 agus de Rialachán (AE) 1095/2010, déanfaidh údaráis inniúla, rannpháirtithe sa mhargadh airgeadais agus institiúidí airgeadais gach iarracht na treoirlínte seo a chomhlíonadh. Leagtar amach sna treoirlínte sin cleachtais mhaoirseachta iomchuí laistigh den Chóras Eorpach um Maoirseacht Airgeadais agus maidir leis an gcaoi ar cheart dlí an Aontais a chur i bhfeidhm.

⁷ Rialachán (AE) Uimh. 1093/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (An tÚdarás Baincéireachta Eorpach), lena leasaítear Cinneadh Uimh. 716/2009/CE agus lena n-aisghairtear Cinneadh 2009/78/CE ón gCoimisiún (IO L 331, 15.12.2010, lch 12).

⁸ Rialachán (AE) Uimh. 1095/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Eorpach um Urrúis agus Margaí (an tÚdarás Eorpach um Urrúis agus Margaí), lena leasaítear Cinneadh Uimh. 716/2009/CE agus lena n-aisghairtear Cinneadh 2009/77/CE ón gCoimisiún (IO L 331, 15.12.2010, lch. 84).

Ba cheart d’údaráis inniúla mar a shainmhínítear iad in Airteagal 3(1), pointe (35)(a), de MiCA a bhfuil feidhm ag treoirlínte maidir leo iad a chomhlíonadh trína n-ionchorprú ina gcleachtais de réir mar is iomchuí (e.g. trína gcreat dlíthiúil nó a bpróisis mhaoirseachta a leasú), lena n-áirítear i gcás ina bhfuil treoirlínte dírithe go príomha ar rannpháirtithe sa mhargadh airgeadais agus ar institiúidí airgeadais.