Status ta’ dawn il -Linji Gwida

Dan id- dokument fih Linji Gwida maħruġa skont l - Artikoli 16 tar - Regolament (UE) Nru 1093/2010 u⁷ l - Artikolu 16 tar - Regolament (UE) Nru 1095/2010⁸ . F’konformità mal - Artikolu 16(3) tar - Regolament (UE) Nru 1093/2010 u tar - Regolament (UE) Nru 1095/2010, l - awtoritajiet kompetenti, il - parteċipanti fis - swieq finanzjarji u l - istituzzjonijiet finanzjarji għandhom jagħmlu kull sforz sabiex jikkonformaw ma’ dawn il - Linji Gwida. Dawn il -Linji Gwida jistabbilixxu prattiki superviżorji xierqa fi ħdan is - Sistema Ewropea ta’ Superviżjoni Finanzjarja u dwar kif id - dritt tal - Unjoni għandu jiġi applikat.

⁷ Regolament (UE) Nru 1093/2010 tal - Parlament Ewropew u tal - Kunsill tal -24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d - Deċiżjoni Nru 716/2009/KE u jħassar id - Deċiżjoni tal - Kummissjoni 2009/78/KE (ĠU L 331, 15.12.2010, p. 12).

⁸ Regolament (UE) Nru 1095/2010 tal - Parlament Ewropew u tal - Kunsill tal -24 ta' Novembru 2010 li jistabbilixxi Awtorità Superviżorja Ewropea (Awtorità Ewropea tat - Titoli u s - Swieq) u li jemenda d - Deċiżjoni Nru 716/2009/KE u jħassar id - Deċiżjoni tal - Kummissjoni 2009/77/KE (ĠU L 331, 15.12.2010, p. 84)

L- awtoritajiet kompetenti kif definiti fil - punt (35)(a) tal - Artikolu 3(1) tal - MiCA li għalihom japplikaw il - Linji Gwida għandhom jikkonformaw billi jinkorporawhom fil - prattiki tagħhom kif xieraq (eż. billi jemendaw il - qafas legali tagħhom jew il - proċessi superviżorji tagħhom), inkluż meta l - Linji Gwida jkunu diretti primarjament lejn il - parteċipanti fis - swieq finanzjarji u l - istituzzjonijiet finanzjarji.