F.1. Ag gníomhú i gcomhar, tionchar suntasach, scairshealbhóirí indíreacha, cinneadh chun fáil

Ba cheart d’údaráis inniúla a chinneadh cé acu an gcomhlíontar nó nach gcomhlíontar na himthosca is cúis le héadáil bheartaithe sealúchais cháilithigh i spriocghnóthas, sula ndéantar measúnú ar oiriúnacht an fhaighteora bheartaithe.

Chun na gcríoch sin, ba cheart d’údaráis inniúla an mhodheolaíocht mheasúnaithe a leagtar amach i dTreoirlínte Comhpháirteacha ÚMEnna maidir le QH a chur i bhfeidhm, eadhon i dTeideal II, Caibidil 1, Cuid 4 maidir le Gníomhú i gcomhar, Cuid 5 maidir le tionchar Suntasach, Cuid 6 maidir le héadálacha indíreacha sealúchas cáilitheach, Cuid 7 maidir le Cinneadh chun Fáil.