4.4. Gníomhaíochtaí a chinneadh a mheasfar a bheith cosúil le pointí (a) agus (b) faoi Airteagal 4(1)(18)(c) de Rialachán (AE) Uimh. 575/2013

Chun críche Airteagal 4(1)(18)(c) de Rialachán (AE) Uimh. 575/2013 a chur i bhfeidhm, ba cheart d’údaráis inniúla fógra a thabhairt do ÚBE gan moill mhíchuí faoi ghníomhaíocht is féidir a mheas cosúil leis na gníomhaíochtaí dá dtagraítear faoi phointe (a) agus faoi phointe (b), lena sainaithnítear an gnóthas ábhartha a dhéanann an ghníomhaíocht agus lena mínítear cén fáth ar cheart breathnú ar a ghníomhaíocht mar ghníomhaíocht chomhchosúil freisin i gcomhréir leis na treoirlínte seo.

Ba cheart do ÚBE na treoirlínte seo a chur i bhfeidhm chun a chinneadh an bhfuil an ghníomhaíocht ar tugadh fógra ina leith i gcomhréir le mír 26 cosúil leis na gníomhaíochtaí dá dtagraítear in Airteagal 4(1)(18), pointe (a) agus pointe (b) de Rialachán (AE) Uimh. 575/2013.