Stádas na dtreoirlínte seo

Eisítear na Treoirlínte seo de bhun Airteagal 16 de Rialachán (AE) Uimh. 1093/2010, Rialachán (AE) Uimh. 1094/2010 agus Rialachán (AE) Uimh. 1095/2010 (na Rialacháin maidir le ÚMEnna)¹ . I gcomhréir le hAirteagal 16(3) de na Rialacháin maidir le ÚMEnna, ní mór d’údaráis inniúla, do rannpháirtithe sa mhargadh airgeadais agus d’institiúidí airgeadais gach iarracht a dhéanamh na treoirlínte a chomhlíonadh.

¹ ÚBE – Rialachán (AE) Uimh. 1093/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (An tÚdarás Baincéireachta Eorpach), lena leasaítear Cinneadh Uimh. 716/2009/CE agus lena n-aisghairtear Cinneadh 2009/78/CE ón gCoimisiún (IO L 331, 15.12.2010, lch. 12). ÚEÁPC – Rialachán (AE) Uimh. 1094/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (an tÚdarás Eorpach um Árachas agus Pinsin Cheirde), lena leasaítear Cinneadh Uimh. 716/2009/CE agus lena n-aisghairtear Cinneadh 2009/79/CE ón gCoimisiún (IO L 331, 15.12.2010, lch. 48). ESMA – Rialachán (AE) Uimh. 1095/2010 ó Pharlaimint na hEorpa agus ón gComhairle an 24 Samhain 2010 lena mbunaítear Údarás Maoirseachta Eorpach (an tÚdarás Eorpach um Urrúis agus Margaí), lena leasaítear Cinneadh Uimh. 716/2009/CE agus lena n-aisghairtear Cinneadh 2009/77/CE ón gCoimisiún (IO L 331, 15.12.2010, lch. 84).

Ba cheart d’údaráis inniúla mar a shainmhínítear i bpointe (35)(a) d’Airteagal 3(1) de Rialachán (AE) 2023/1114² (MiCAR) na treoirlínte seo a chomhlíonadh trína n-ionchorprú ina gcleachtais de réir mar is iomchuí (e.g. tríd an gcreat dlíthiúil nó a bpróisis mhaoirseachta a leasú), lena n-áirítear i gcás ina ndírítear treoirlínte go príomha ar rannpháirtithe sa mhargadh airgeadais agus ar institiúidí airgeadais.

² Rialachán (AE) 2023/1114 ó Pharlaimint na hEorpa agus ón gComhairle an 31 Bealtaine 2023 maidir le Margaí Cripteashócmhainní, agus lena leasaítear Rialacháin (AE) Uimh. 1093/2010 agus (AE) Uimh. 1095/2010 agus Treoracha 2013/36/AE agus (AE) 2019/1937 (IO L 150, 9.6.2023, lch. 40).