L- istatus ta’ dawn il - linji gwida

Dawn il - Linji Gwida jinħarġu skont l - Artikolu 16 tar - Regolament (UE) Nru 1093/2010, ir - Regolament (UE) Nru 1094/2010 u r - Regolament (UE) Nru 1095/2010 (ir - Regolamenti tal - ASE)¹ . F’konformità mal - Artikolu 16(3) tar - Regolamenti dwar l - ASE, l - awtoritajiet kompetenti, il - parteċipanti fis - swieq finanzjarji u l - istituzzjonijiet finanzjarji jeħtiġilhom jagħmlu kull sforz biex jikkonformaw mal - linji gwida.

¹ EBA – Ir - Regolament (UE) Nru 1093/2010 tal - Parlament Ewropew u tal - Kunsill tal - 24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d - Deċiżjoni Nru 716/2009/KE u jħassar id - Deċiżjoni tal - Kummissjoni 2009/78/KE (ĠU L 331, 15.12.2010, p. 12). EIOPA – Ir - Regolament (UE) Nru 1094/2010 tal - Parlament Ewropew u tal - Kunsill tal - 24 ta’ Novembru 2010 li jistabbilixxi Awtorità Superviżorja Ewropea (Awtorità Ewropea tal - Assigurazzjoni u l - Pensjonijiet tax - Xogħol), u li jemenda d - Deċiżjoni Nru 716/2009/KE u li jħassar id - Deċiżjoni tal - Kummissjoni 2009/79/KE (ĠU L 331, 15.12.2010, p. 48). ESMA – Ir - Regolament (UE) Nru 1095/2010 tal - Parlament Ewropew u tal - Kunsill tal - 24 ta’ Novembru 2010 li jistabbilixxi Awtorità Superviżorja Ewropea (Awtorità Ewropea tat - Titoli u s - Swieq) u li jemenda d - Deċiżjoni Nru 716/2009/KE u jħassar id- Deċiżjoni tal - Kummissjoni 2009/79/KE (ĠU L 331, 15.12.2010, p. 84).

L- awtoritajiet kompetenti kif iddefiniti fl - Artikolu 3(1), il - punt (35)(a), tar - Regolament (UE) 2023/1114² (MiCAR) għandhom jikkonformaw ma’ dawn il - linji gwida billi jinkorporawhom fil - prattiki tagħhom kif xieraq (eż. billi jemendaw il - qafas legali tagħhom jew il - proċessi superviżorji tagħhom), inkluż meta l - linji gwida jkunu diretti primarjament lejn il - parteċipanti fis - swieq finanzjarji u l - istituzzjonijiet finanzjarji.

² Ir - Regolament (UE) 2023/1114 tal - Parlament Ewropew u tal - Kunsill tal - 31 ta’ Mejju 2023 dwar is - swieq fil - kriptoassi, u li jemenda r - Regolamenti (UE) Nru 1093/2010 u (UE) Nru 1095/2010 u d - Direttivi 2013/36/UE u (UE) 2019/1937 (ĠU L 150, 9.6.2023, p. 40).