Teideal I - Ábhar, raon feidhme, seolaithe agus sainmhínithe

Is é is aidhm do na treoirlínte seo an sainordú a thugtar do ÚMEnna faoi Airteagal 11(11) de Rialachán (AE) 2022/2554⁴ a chomhlíonadh, chun treoirlínte comhchoiteanna a fhorbairt maidir le meastachán a dhéanamh ar chostais agus caillteanais bhliantúla chomhiomlánaithe mórtheagmhas a bhaineann le TFC dá dtagraítear in Airteagal 11(10) den Rialachán sin. Sonraítear sna treoirlínte seo freisin teimpléad coiteann chun na costais agus na caillteanais bhliantúla chomhiomlánaithe a chur isteach.

Seolaithe

⁴ Rialachán (AE) 2022/2554 ó Pharlaimint na hEorpa agus ón gComhairle an 14 Nollaig 2022 maidir le hathléimneacht dhigiteach oibríochtúil don earnáil airgeadais agus lena leasaítear Rialacháin (CE) Uimh. 1060/2009, (AE) Uimh. 648/2012, (AE) Uimh. 600/2014, (AE) Uimh. 909/2014 agus (AE) 2016/1011, (IO 333, 27.12.2022, lgh. 1–79)

Tá na treoirlínte seo dírithe ar údaráis inniúla mar a shainmhínítear iad in Airteagal 46 de Rialachán 2022/2554 agus ar institiúidí airgeadais mar a shainmhínítear iad in Airteagal 4(1) de Rialachán (AE) 1093/2010, Airteagal 4(1) de Rialachán (AE) 1094/2010 agus Airteagal 4(1) de Rialachán (AE) 1095/2010.

Sainmhínithe

Tá an bhrí chéanna leis na téarmaí a úsáidtear agus a shainmhínítear i Rialachán (AE) 2022/2554 sna treoirlínte seo.