Titolu I – Suġġett, kamp ta’ applikazzjoni, destinatarji, u definizzjonijiet

Dawn il - Linji Gwida għandhom l - għan li jissodisfaw il - mandat mogħti lill - ASE skont l - Artikolu 11(11) tar - Regolament (UE) 2022/2554⁴ , li jiżviluppaw Linji Gwida komuni dwar l - istima tal - kostijiet u t - telf annwali aggregati ta’ inċidenti maġġuri relatati mal - ICT imsemmija fl - Artikolu 11(10) ta’ dak ir - Regolament. Dawn il - Linji Gwida jispeċifikaw ukoll mudell komuni għas - sottomissjoni tal - kostijiet u t - telf annwali aggregati.

Destinatarji

⁴ Regolament (UE) 2022/2554 tal - Parlament Ewropew u tal - Kunsill tal - 14 ta’ Diċembru 2022 dwar ir - reżiljenza operazzjonali diġitali għas - settur finanzjarju u li jemenda r - Regolamenti (KE) Nru 1060/2009, (UE) Nru 648/2012, (UE) Nru 600/2014, (UE) Nru 909/2014 u (UE) 2016/1011 ( ĠU L 333, 27.12.2022, p. 1-79 ).

Dawn il - Linji Gwida huma indirizzati lill - awtoritajiet kompetenti kif definiti fl - Artikolu 46 tar - Regolament 2022/2554 u lill - istituzzjonijiet finanzjarji kif definiti fl - Artikolu 4(1) tar - Regolament (UE) 1093/2010, l - Artikolu 4(1) tar - Regolament (UE) 1094/2010 u l - Artikolu 4(1) tar - Regolament (UE) 1095/2010.

Definizzjonijiet

It- termini użati u definiti fir - Regolament (UE) 2022/2554 għandhom l - istess tifsira f’dawn il - Linji Gwida.